Перад судом паўстаў былы намеснік дырэктара па спартыўных пытаннях і трэнер клуба ФК «Шахцёр» Уладзімір Нідэргаус.
Зрэшты, як стала вядома падчас суда, да затрымання ён быў беспрацоўным, паколькі ў яго скончыўся кантракт з салігорскім клубам. Вядома, што абвінавачаны мае падвойнае грамадзянства — Германіі і Расіі. Ён ураджэнец Казахстана, як піша БелТА.
У пачатку суда Нідэргаус заявіў хадайніцтва аб вырашэнні пытання пра ўнясенне на дэпазітны рахунак Мінскага гарадскога суда грашовых сродкаў у якасці гарантыі аплаты штрафу. Суд задаволіў гэтае хадайніцтва.
Пасля абвяшчэння абвінавачвання дзяржаўным абвінаваўцам Нідэргаус паведаміў, што прызнае віну цалкам.
Уладзімір Нідэргаус — казахстанскі і расійскі футбаліст, нападаючы нямецкага паходжання. У мінулым вядомы па выступленнях за футбольны клуб «Ротар» (Валгаград), у якім на працягу пяці гадоў быў найлепшым бамбардзірам і лідарам каманды. У 1990-я ён нават згуляў адзін матч за зборную Расіі і чатыры — за зборную Казахстана, адкуль ён родам.
Пасля завяршэння прафесійнай гульнявой кар'еры ў 2000 годзе жыў у Германіі, таксама працаваў у Расіі і Казахстане. З 2021 года па студзень 2023 года быў спартыўным дырэктарам салігорскага «Шахцёра».
Праз скандал з дамоўнымі матчамі ў чэмпіянаце Беларусі салігорскі «Шахцёр» і мінскі «Энергетык» пазбавілі чэмпіёнства і сярэбраных медалёў адпаведна ў мінулым сезоне, клюбы адхіленыя ад еўракубкаў, аштрафаваныя на 30 і 20 ачкоў у гэтым сезоне, а таксама на наступны.
Дэкан гістфака: Мы гаворым не пра русіфікацыю, а пра мадэрнізацыю29
Каментары