Jaŭhien Pryhožyn paśla dastatkova praciahłaha maŭčańnia znoŭ zapisaŭ aŭdyjapaviedamleńnie, apublikavanaje ŭ kanale «Priess-słužba Prihožina». U bolš čym 10-chvilinnym paviedamleńni jon raskazvaje svaju viersiju taho, dziela čaho «vahnieraŭcy» išli na Maskvu.
U asnoŭnym Pryhožyn chranałahična pierakazvaje chod padziej, apisańniem jakich poŭnilisia telehram-kanały i miedyja sutki ź viečara 23 červienia da viečara 24 červienia.
Ale pry hetym jon asprečvaje toje, što pachod na Maskvu byŭ zadumany z metaj vajskovaha pieravarotu.
Sapraŭdnaja pryčyna pachodu na Maskvu, pavodle Pryhožyna, kudy bolš ścipłaja — žadańnie nie dapuścić zadumanaha rasfarmavańnia PVK «Vahnier» 1 lipienia 2023 hoda.
Pry hetym jon na ŭsie łady raschvalvaje «Vahnier», maluje jaho jak samaje bajazdolnaje i prafiesijnaje farmavańnie nie tolki ŭ Rasii, ale i va ŭsim śviecie, pachod ža na Maskvu nazyvaje ŭzoram taho, jak pavinny byli iści na Kijeŭ rasijskija vojski 24 lutaha 2022 hoda.
U hetym vypadku Pryhožyn śviadoma ihnaruje pryncypovuju roznaść abstavin. Bo kramloŭskija stratehi minułaj zimoj taksama akurat na hetym u niemałoj stupieni budavali svaje raźliki, što rasijskija vojski buduć iści pa Ukrainie tak, jak ciapier «pryhožyncy» pa Rasii — biez zahadu źvierchu vojskam supraciŭlacca ci pry masavym nievykanańni takoha zahadu. A na šlachu natoŭpy ŭkraincaŭ buduć sustrakać akupacyjnyja vojski z kvietkami i z entuzijazmam ich vitać. Jakraz takuju viersiju reakcyi rasijan na ciapierašni prachod «vahnieraŭcaŭ» praz rasijskija vobłaści raskazaŭ Pryhožyn u svaim ciapierašnim aŭdyjazvarocie.
Što da roli ŭ razrulvańni situacyi Łukašenki, to pra heta Pryhožyn abmiežavaŭsia litaralna adnym skazam. Maŭlaŭ, padčas miaciažu «Alaksandr Łukašenka praciahnuŭ ruku i prapanavaŭ šlachi raźviazańnia dla dalejšaj pracy PVK «Vahnier» u zakonnaj jurysdykcyi».
Hałoŭnyja ž pytańni, jakija ciapier usich cikaviać — dzie ciapier sam Pryhožyn i kudy budzie ciapier pieramiaščacca jahonaje najomnickaje vojska, — kiraŭnik PVK «Vahnier» uvohule nie zakranaŭ.
Kab «patrolić» pratesnyja kanały, prapahandyst Juryj Cierach stvaryŭ fejkavaje fota Pryhožyna ŭ hateli. Ale vynik atrymaŭsia niečakany
Ci prylacieŭ Jaŭhien Pryhožyn u Biełaruś? U kožnym razie nie svaim samalotam
Dvaccać hadoŭ tamu. Dzie mahli paznajomicca Pryhožyn i Łukašenka
«Narmalna. Usich uzbadzioryli». Apošnija słovy Pryhožyna pierad adjezdam z Rastova VIDEA
Kamientary