Dvaccać hadoŭ tamu. Dzie mahli paznajomicca Pryhožyn i Łukašenka
Uviečary ŭ piatnicu Jaŭhien Pryhožyn uźniaŭ miaciež, i nastupny dzień moh stać samym dramatyčnym u historyi Rasii. Ale hetaha nie zdaryłasia. Viečaram Pryhožyn zajaviŭ, što ŭvachodzić u Maskvu nie budzie i viartajecca ŭ palavyja łahiery. Paviedamlałasia, što pasiarednikam u pieramovach vystupiŭ Alaksandr Łukašenka, jaki znajomy z kiraŭnikom PVK «Vahnier» 20 hadoŭ.
U bijahrafii Jaŭhiena Pryhožyna Biełaruś praktyčna adsutničaje, chiba što ŭspaminajecca historyja zatrymańnia 29 lipienia 2020 hoda ŭ Minsku hrupy z 32 «vahnieraŭcaŭ», jakija tranzitam praź Minsk nakiroŭvalisia ŭ adnu z afrykanskich krain.
Biznes Jaŭhiena Viktaraviča ŭ bolšaj stupieni byŭ źviazany z Sankt-Pieciarburham, dzie jon i naradziŭsia. Častkova jon byŭ źviazany z kulinaryjaj: jaho kampanija zabiaśpiečvała charčavańniem vyšejšych asob dziaržavy, a samoha Pryhožyna nazyvali «asabistym povaram Pucina».
«Alaksandr Łukašenka padčas svajho vizitu ŭ Rasiju ŭ 2002 hodzie dazvoliŭ papałudnavać u kampanii z prezidentam Rasii ŭ Sankt-Pieciarburhu ŭ płyvučym restaranie New Island, — raskazaŭ aif.ru palitołah i były prapahandyst Alaksandr Zimoŭski, jaki tady prysutničaŭ u składzie biełaruskaj delehacyi na hetym mierapryjemstvie. — Hety płyvučy restaran, varjacka papularny siarod finansavaj i palityčnaj elity, naležaŭ tady jakraz Jaŭhienu Pryhožynu. Jaho i paznajomili ź biełaruskim kiraŭnikom. Uładzimir Pucin raniej na hetym sudnie prymaŭ prezidenta Francyi Žaka Šyraka i Džordža Buša-małodšaha.
Łukašenku abied spadabaŭsia, za što jon asabista padziakavaŭ Jaŭhienu Pryhožynu i pacisnuŭ jamu ruku. Ale voś kazać, što jany apošnija 20 hadoŭ niejak padtrymlivali stasunki, niemahčyma.
Łukašenka pra Pryhožyna viedaje jakraz jak pra kiraŭnika PVK, ale ŭ vyniku pieramovaŭ z apošnim moh uspomnić i pra svaje kulinarnyja ŭražańni. Adnak, chutčej za ŭsio, rolu adyhrała ciapier jakraz abiacańnie biaśpieki na terytoryi Biełarusi».
Pa słovach ekśpierta Alaksandra Zimoŭskaha, «Pryhožyn pamre ŭ Biełarusi ad nudy» — dziejnaść PVK tut zabaronienaja, a našeńnie zbroi praduhledžvajecca tolki dla dziaržaŭnych struktur, armii, MUS i KDB.
«Mahčyma, dośvied Jaŭhiena Pryhožyna moža być zapatrabavany ŭ Afrycy, dzie ŭ Minska jość niekatoryja kamiercyjnyja prajekty», — vykazaŭ mierkavańnie Zimoŭski.
***
23 červienia Pryhožyn abviaściŭ, što idzie «na Maskvu», bo nie choča, kab Rasija žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
U Rasii raspačali suprać jaho kryminalnuju spravu, Pucin nazvaŭ miaciež zdradaj, a ŭ Maskvie i vobłaści ŭviali režym kontrterarystyčnaj apieracyi.
Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. Taksama stała viadoma, što kałony PVK «Vahnier» mohuć pajści ŭ Biełaruś.
Eks-kiraŭnik CRU paraiŭ Pryhožynu nie padychodzić da niezaviešanych voknaŭ u Biełarusi
Detali taho, što adbyvałasia ŭ Kramli i Rastovie 23—24 červienia, pralivajuć śviatło na rolu Łukašenki i asłableńnie Pucina
«Fienamienalny vybar Pryhožyna…» Padalak — pra miaciež kiraŭnika PVK «Vahnier» i karyść ad jaho
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary