Abama nie ličyć, što ŭ 2014 hodzie śviet niedastatkova stroha adreahavaŭ na anieksiju Kryma
44-y prezident ZŠA Barak Abama nie ličyć, što ŭ 2014 hodzie suśvietnaja supolnaść spuściła Uładzimiru Pucinu z ruk anieksiju Kryma, niedastatkova stroha adreahavaŭšy na zachop paŭvostrava ci nie pračarciŭšy niejkich pryncypovych «čyrvonych linij», jak piša Bi-bi-si.
Takuju zajavu Abama, jaki ŭznačalvaŭ amierykanskuju administracyju z 2008-ha pa 2016 hod, zrabiŭ napiaredadni ŭ čaćvier u intervju Si-en-en.
Adno z pytańniaŭ mižnarodnaj ahladalnicy kanała Kryścijan Amanpur tyčyłasia jakraz acenki zadnim čysłom reakcyi kalektyŭnaha Zachadu (u pieršuju čarhu ZŠA i Jeŭrasajuza) na aburalnaje parušeńnie Maskvoj mižnarodnaha zakanadaŭstva.
Pavodle Abamy, u 2014 hodzie ŭkrainskaja dziaržava była pryncypova inšaj, jak i ŭkrainskaja palityka. I ŭ Krymie, i ŭ kantynientalnaj častcy Ukrainy było dastatkova ruskamoŭnych ludziej, łajalnych Kramlu i ŭsprymalnych da rasijskaj prapahandy.
«Nam ź Mierkiel daviałosia prykłaści niamała namahańniaŭ, kab pierakanać jeŭrapiejskich partnioraŭ uvieści tyja sankcyi, što my ŭ vyniku ŭviali, i nie dać Pucinu, zachapiŭšy Danbas, rušyć dalej», — zapeŭniŭ Abama.
«Uličvajučy, u jakim stanie znachodziłasia tady Ukraina i jakija nastroi pieravažali na toj momant u Jeŭropie, ja liču, što my całkam strymali ŭdar», — padsumavaŭ Abama.
-
«Zmahacca za svajo žyćcio kožny čortaŭ dzień». Amierykanski repier vahoj 220 kh vyjšaŭ na scenu z kisłarodnym bałonam FOTY
-
«U Hruzii niama zacemientavanaj aŭtarytarnaj dziaržavy z žorstkaj viertykallu». Biełarus raskazaŭ, u čym śpiecyfika hruzinskich pratestaŭ
-
Pa damoŭlenaści ź siryjskimi paŭstancami bajcy kurdskich Siryjskich demakratyčnych siłaŭ pakinuli rajon Alepa
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary