«Ni z hnidaj, ni z Vałodziem ja nie razmaŭlaju». Łukašenka raskazaŭ pra pieramovy z Ukrainaj
Alaksandr Łukašenka ŭčora daŭ intervju rasijskaj prapahandystcy Volzie Skabiejevaj. Uryŭki ź jaho źjaŭlajucca ŭ siecivie.
Chto ciapier dla Łukašenki prezident Ukrainy — Vałodzia ci — «vas ža pracytuju — hnida?», spytała Skabiejeva.
— Ja ž užo ź im — ni z hnidaj, ni z Vałodziem — nie razmaŭlaju. Tamu navat nie viedaju jak.
U mianie ŭžo niama da jaho niejkaj azłoblenaści. Kali b na jahonym miescy Pucin byŭ, ja na jaho byŭ by zły, bo čałaviek razumieje, što jon robić. Jon viedaje, što takoje vajna. Jon vajenny čałaviek.
Ale Vałodzia Zialenski, jon nie śpiecyjalist, nie prafiesijanał. Choć jon vyras. Jon zaznaŭ hetaj pasady da SVA. Tamu jon pavinien byŭ razumieć. I raz ty ŭ hety voz zaprohsia, to, darahi moj, ty ŭžo adkazvaj. Jon nie razumieje, što jon sam robić jašče pa mnohich pytańniach. Sioje-toje jon užo asvoiŭ. Tamu i patrabavańni da jaho pavinny być», — skazaŭ Łukašenka.
Taksama jon raskazaŭ pra nieviadomyja raniej sproby ŭkraincaŭ naładzić dypłamatyčny kantakt ź Biełaruśsiu.
«Jon [Zialenski] mnie prapanuje: «Davaj pahavorym». Dasyłaje hetaha Kiryłu Budanava [kiraŭnika HUR Minabarony Ukrainy] na pieramovy dzieści. My pajechali praź miažu ich, ministr zamiežnych spraŭ pajechaŭ tudy (i ciapierašni taksama), nie pieršy raz, sieli ŭ Lvovie, viadziom pieramovy. Niby narmalna. Daviedalisia amierykancy… Pajšli niejkija nieparazumieńni. Jany nam prapanujuć: «Davajcie ŭ nastupny raz u Stambule». Dy pajšli vy nachren. Jaki Stambuł? Čaho my ŭ Stambuł pajedziem? My ž miažujem z vami. Chočacie razmaŭlać — davajcie razmaŭlać».
Łukašenka nie adnojčy raskazvaŭ pra toje, što Ukraina namahałasia zaklučyć ź im damovu ab nienapadzie Biełarusi na Ukrainu, ale ŭkrainski bok hetyja zajavy nie kamientavaŭ.
Łukašenka taksama pahražaŭ adkazać «biez vahańniaŭ, kali tolki budzie ździejśnienaja suprać nas ahresija».
«U nas dastatkova ŭžo ciapier mocy dla taho, kab adkazać. Mnohija kažuć: «Nu, baćka, vy ž viedajecie, jon taki…» Tak. Ja taki, kali havorka idzie pra moj narod, pra maju dziaržavu. I potym, ja ž nie dazvolu — my stvarali tut, pracavali čverć stahodździa, razam ź biełaruskim narodam, stvarali niezaležnuju dziaržavu — addać 10 miljonaŭ na razarvańnie.
A rasijan kolki tut? Jašče miljony try pastajanna. Voś 13 miljonaŭ, ja za ich adkazvaju. Tamu biez vahańniaŭ, kali tolki ździejśniać suprać nas ahresiju».
Papraŭdzie ŭ Biełarusi, pavodle statystyki Biełstata, pražyvaje nie 10 i nie 13, jak kaža Łukašenka, a prykładna 9 miljonaŭ stałych i časovych žycharoŭ. Nasielnictva Biełarusi pieravyšała 10 miljonaŭ da prychodu da ŭłady Alaksandra Łukašenki, ale za čas jaho kiravańnia skaraciłasia prykładna na 1,2 miljona, pryčym na 200 tysiač — za 2020-2022 hady.
«Vyłazki na miažy — heta jašče nie ahresija? Ataka ŭ Mačuliščach — heta jašče nie ahresija?» — udakładniła prapahandystka telekanała «Rasija 1» u Alaksandra Łukašenki padčas intervju.
«Nie, heta daloka jašče nie ahresija. Z takimi Mačuliščami my spraŭlajemsia i spravimsia. I ź miažoj taksama. Heta pravakacyi», — adznačyŭ Alaksandr Łukašenka. Navat padziei ŭ Biełharodskaj vobłaści Rasiei, ź jahonych słoŭ, heta jašče daloka nie ahresija. «Heta vielmi adčuvalnaja, mocnaja pravakacyja, dzie my niedapracoŭvajem. Ciapier pačali dapracoŭvać. Zaprehlisia ŭ hetuju prablemu».
«Nikoli nielha, kažučy pra čyrvonyja linii, ich malavać. Tamu što žyćcio źmianiajecca i linii ruchajucca to napierad, to nazad, — dypłamatyčna adkazaŭ Alaksandr Łukašenka. — Jany zaŭsiody jość i ŭ nas, i ŭ ich. U rasijan i va ŭkraincaŭ. Ale palityčna lepš nie ahučvać, jakija jany: žyćcio heta źmianiaje. Čyrvonyja linii dla mianie — heta poŭnamaštabnaja ahresija. Ź luboha boku ciapier, akramia Rasii, naturalna. A voś Prybałtyka, Polšča i Ukraina…» — adznačyŭ Alaksandr Łukašenka.
Takim čynam, uvod rasiejskich vojskaŭ u Biełaruś dla Łukašenki nie ahresija, a ŭvod lubych inšych — ahresija. I napad nievialikaha atrada taksama nie ahresija.
«Voś kali jany vojskami piarojduć miažu, nie hetymi atradzikami, i pačnuć vajnu — heta ahresija», — rastłumačyŭ Alaksandr Łukašenka.
Čytajcie taksama:
Łukašenka zajaŭlaje, što kiravać jadziernaj zbrojaj budzie jon: «Nijakaha vahańnia nie budzie»
Łukašenka zabaraniŭ nieabhruntavana vyklikać biełarusaŭ u milicyju i KDB
«Handal ludźmi? Palitźniavolenyja sami prosiać, kab niechta ich užo kupiŭ». Manałoh Jaŭhienii Doŭhaj19
Kamientary
U ukrainciev vyzvał obosnovannuju nienavisť i žaždu miesti.
Jeśli učiesť , čto s Putinym on nie na ‘'ty'', otviet kto ‘'hnida'' očievidien.