U bajach pad Bachmutam zahinuŭ biełarus Dźmitryj Harłoŭski, paviedamlaje «Lusterka». Jon rodam z Połacka, ale ŭ apošnija hady žyŭ u Rasii. Za jaje i vajavaŭ.
Dźmitryju Harłoŭskamu było 40 hadoŭ. Jon vyras u Połacku, tam ža skončyŭ 15-ju škołu, a ŭžo ŭ darosłym vieku staŭ časta jeździć na zarobki ŭ Rasiju — u Maskvu. U apošnija hady i zusim tudy pierajechaŭ, žyŭ u padmaskoŭnym horadzie Klinie razam z žonkaj-nastaŭnicaj, jakuju pieravioz z Połacka ŭ 2019 hodzie.
Hramadzianstva ź biełaruskaha na rasijskaje mužčyna, vidać, nie mianiaŭ, prynamsi, znajomyja Harłoŭskaha pra heta nie čuli.
Pavodle infarmacyi «Lusterka», Dźmitryj vyrašyŭ adpravicca na vajnu, kab zarabić hrošaj: finansavaje stanovišča siamji było nie najlepšym. Vajavaŭ jon u šerahach rasijskaj armii ci staŭ najmitam PVK «Vahnier», dakładna nieviadoma, ale sam fakt jaho ŭdziełu ŭ vajnie siamja trymała ŭ tajamnicy navat ad svajakoŭ. Ale na staroncy jahonaj žonki ŭ sacsietcy šmat repostaŭ navin mienavita pra PVK «Vahnier».
U vojsku Harłoŭski prabyŭ mienš za try miesiacy. Spačatku było navučańnie, zatym mužčynu adpravili na front, a ŭ vyniku pierakinuli pad Bachmut. Mienavita tam praź miesiac jon i zahinuŭ, jak miarkujecca, 13 maja.
Žonka Harłoŭskaha jašče amal miesiac nie viedała pra hibiel muža, što bačna pa jaje sacsietkach, napoŭnienych žyćciaradasnymi prarasijskimi pastami až da 5 červienia. Paśla hetaj daty tanalnaść pastoŭ źmianiłasia, i ź ich źmiestu dy kamientaroŭ vidać, što jana ŭžo ŭ kursie taho, što adbyłosia. Pachavali Dźmitryja Harłoŭskaha 8 červienia ŭ Klinie.
U siamji Harłoŭskich zastałosia troje dziaciej: starejšaja dačka ŭžo padletak, syn tolki skončyŭ pieršy kłas, a samaj małodšaj dziaŭčyncy niama i dzieviaci miesiacaŭ. Akramia taho, ad pieršaha šlubu ŭ Dźmitryja Harłoŭskaha jość jašče adna dačka, jakaja žyvie ŭ Połacku. Na minułym tydni, 10 červienia, jana adznačyła svoj školny vypuskny.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha13
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary