Błohier Jaŭhien Savin daŭ acenku biełaruskim futbalistam i parazvažaŭ, chto moh by stać ministram sportu
Viadomy rasijski błohier i były futbalist, jaki padtrymaŭ pratesty ŭ Biełarusi i navat zajmieŭ kryminalnuju spravu za heta, Jaŭhien Savin u intervju jutub-kanału «ČiestnOK» raskazaŭ pra roźnicu pamiž hramadzianskaj pazicyjaj spartoŭcaŭ Biełarusi i Rasii i daŭ charaktarystyku niekatorym ź biełaruskich futbalistaŭ.
«U rasijskim sporcie mała chto moža sabie dazvolić skazać, što dumaje, u adroźnieńnie ad Biełarusi»
Na dumku Savina, kašmar, jaki raspačaŭsia ŭ Biełarusi paśla padziej 2020 hoda, moža być realizavany i ŭ Rasii.
«Padobnaje plus-minus budzie adbyvacca i ŭ Rasii. Mnie z kožnym hodam usio bolš zdajecca, što ŭsio, što chočuć vykarystać u Rasii, spačatku abkatvajuć u Biełarusi. Vy jak ipadrom dla testaŭ. Tam prajšło, zadušyli. Tam prakaciła, i ŭ nas prakacić. Represii buduć i ŭ rasijskim sporcie».
Ale Savin adznačaje, što «ŭ rasijskim sporcie mała chto moža sabie dazvolić skazać, što dumaje, u adroźnieńnie ad Biełarusi».
«Chamutoŭski — čałaviek, jaki sa svajoj charyzmaj, typažam i spartyŭnym bekhraŭndam moža stać ministram sportu»
Błohier adznačaje, što być kłasnym prafiesijnym futbalistam nie aznačaje być mocnaj asobaj.
«Heta absalutna roznyja historyi. Chacia peŭnyja zadatki dla taho, kab stać vialikim futbalistam, patrebnyja. Biestałkovyja ludzi, za redkim vyklučeńniem, nie dasiahajuć vialikich pośpiechaŭ u sporcie, bo jon taksama dastatkova intelektualny».
Kali havaryć pra futboł, to na pieršaje miesca pa hulni Jaŭhien Savin stavić Alaksandra Hleba, zatym Arcioma Mileŭskaha i Vasila Chamutoŭskaha.
Kali havaryć pra asobaŭ, to na pieršym miescy budzie Vasil Chamutoŭski.
«Pa maim mierkavańni, heta čałaviek, jaki sa svajoj charyzmaj, typažam i spartyŭnym bekhraŭndam moža stać ministram sportu ci ŭznačalić fiederacyju futboła Biełarusi. U jaho jość i razumieńnie, i stryžań».
«Hleb jak asoba zrabiŭ toje, ad čaho nikoli ŭ žyćci nie admyjecca»
Pra Hleba błohier razvažaje tak:
«Toje, što ja baču, čuju, što mnie raskazvajuć, tam ziamlu atrymaŭ i hetak dalej. Ciapier katajecca pa Z-kancertach, niejkich turnirčykach u padtrymku taho, što adbyvajecca. Ja dumaju, što Alaksandr Hleb chiba što samy vialiki futbalist u historyi biełaruskaha futboła.
Na jaho šmat chto maliŭsia i raŭniaŭsia, zaŭzieŭ, jak ciapier za Chviču ŭ Hruzii. Toj ža Chviča vystaviŭ post suprać pryniaćcia zakona ab zamiežnych ahientach u Hruzii. Takim čynam jon vystupiŭ suprać urada Hruzii. I šmat chto z hruzinskich futbalistaŭ padtrymaŭ jeŭrapiejski viektar raźvićcia. A Hleb prosta vybraŭ hrošy».
Savin vykazvaje dumku ab tym, što
«kab Hleb vybraŭ pazicyju zdarovaha sensu i zastupiŭsia za narod, jaki ŭčora zaŭzieŭ za jaho, a siońnia jaho p…iać na płoščach, to ŭ takim vypadku Hleb sapraŭdy staŭ by vialikaj adzinkaj. Ale jon, jak i šmat chto inšy, vybraŭ samy lohki šlach — prosta prahnucca, asieści kala karyta i zdavalniacca tym, što jamu siońnia tudy nakidvaje Łukašenka i siońniašni režym».
Savin padkreśliŭ, što stavicca da Hleba jak da vialikaha futbalista, a voś jak asoba Hleb zrabiŭ toje, ad čaho «nikoli ŭ žyćci nie admyjecca».
«Mnie prosta škada Mileŭskaha»
Adnosna Arcioma Mileŭskaha Savin zaŭvažaje, što ni ad adnaho čałavieka nie čuŭ pra jaho ničoha drennaha, usie kažuć «kłasny chłopiec», z charyzmaj, viasioły, dobry siabra.
Savin ža adznačaje inšaje:
«U Mileŭskaha prosta kałasalny patencyjał byŭ dla taho, kab zrabić karjeru paśla futboła. Ja ŭpeŭnieny, kab jon uziaŭsia za rozum, pačaŭ usio z nula, to šmat jakija kłuby chacieli b jaho bačyć u svajoj struktury. Tusoŭki, «Fierary», heta ŭsio prajšło. Ale ŭ jaho prosta niejmaviernaja mahčymaść ciapier zrabić svoj los.
I kali ja hladžu jaho fota ŭ instahramie, jak jon vyhladaje, u mianie prosta adno pytańnie: «Nu jak možna ŭsio pra…ć?» Mnie prosta jaho škada. Škada, što jon płyvie pa płyni».
«Mianie razdražniaje, kali ludzi kažuć, što sport pa-za palitykaj»
Na pohlad Savina, sport u krainach, dzie jon amal na 100 pracentaŭ finansujecca ź biudžetu, nie moža być pa-za palitykaj.
«Prablema biełaruskaha i rasijskaha futboła ŭ tym, što niemahčyma bieź dziaržaŭnaj zhody, bo ŭvieś sport dziaržaŭny. I ŭsie heta razumiejuć.
«Kali pačnu niešta vykazvać, to mianie vyhaniać z kłuba, zbornaj. U mianie nie budzie potym nijakaj budučyni paśla karjery». Voś i ŭsio. Heta sistema, jakaja tabie kaža: «Čuvak, voś tabie babki. Hulaj, atrymoŭvaj asałodu, kajfuj, zarablaj. Kali ty suprać, to ŭsio straciš».
Savin adznačaje:
«Futboł u Biełarusi heta i jość Biełaruś. Padtrymlivaješ Baćku, hulaješ u «Dynamcy», atrymlivaješ hrošy. Nie padtrymlivaješ — maksimum ty atrymlivaješ 300 dalaraŭ ci vyjazdžaješ z krainy. Chiba heta narmalna? Chiba heta sport pa-za palitykaj?
Mianie razdražniaje, kali ludzi kažuć, što sport pa-za palitykaj. Vy pasłuchajcie ludziej, pahladzicie. Čałaviek vystupiŭ za lehitymnyja vybary ci admoviŭsia padpisać niejki list, to jaho treba vykinuć sa zbornaj? Pra što my kažam. Tamu tut niama sportu, niama futboła. Tut u pryncypie pra žyćcio ludziej. Kali heta ŭsio źmianicca, tolki tady my zmožam ab niečym razmaŭlać».
Vina datyčna Ukrainy
Savin zhadvaje, što razam z rasijskim błohieram Juryjem Dudziom jany abmiarkoŭvali, ci jość u ich adčuvańnie taho, što jany mahli dla svajoj krainy zrabić bolš.
«Mahčyma bolš videa, bolš kazać aŭdytoryi. My ž ludzi ź niemałoj aŭdytoryjaj. I my abodva zhodnyja, što tak. Ale tak dumaje tolki adzin pracent.
Ja nie kažu, što ŭsie zabojcy, ale mnie padajecca, što narmalnaja pazicyja čałavieka, hramadzianina svajoj krainy, zaklučajecca ŭ tym, što mahli zrabić niešta bolšaje dla svajho hramadstva, jakoje biare aŭtamaty i idzie zabivać ludziej».
Jaŭhien Savin adznačaje, što vieryć u pieramieny i chacieŭ by viarnucca ŭ Rasiju i rasijski futboł, ale ŭžo z tym, kab u im niešta sapraŭdy mianiać, vybudoŭvać, mieć mahčymaść heta rabić.
«Ja chacieŭ by viarnucca jak niechta, chto moža prynieści karyść rasijskamu futbołu».
Čytajcie jašče:
Błohier Jaŭhien Savin raskazaŭ, što na jaho ŭ Biełarusi zaviali kryminalnuju spravu
Biełaruskich futbalistaŭ prahoniać praź ideałahičny tavaryski sud. Chto kaho budzie sudzić?
Aleksijevič ŭ TOKu: Kali vy admoviciesia čytać Čechava i Dastajeŭskaha, to ŭpadziecie ŭ pravincyjnaść32
Kamientary