Jašče adna partyja padaje dakumienty na pierarehistracyju bieź piersanalnych źviestak
Staršynia Biełaruskaj partyi levych «Spraviadlivy śviet» raskazaŭ «Narodnaj Voli», što dakumienty na pierarehistracyju partyi źbirajecca padavać 2 červienia.
— My praviali źjezd, i ŭ piatnicu majem namier adpravić dakumienty ŭ Miniust, — skazaŭ Siarhiej Ivanavič. — Apošni termin — 2 červienia, tamu my nie śpiašajemsia, čas jość. My padrychtavali pratakoł našaha niadaŭniaha źjezda — jaho taksama treba prykładać, inšyja dakumienty i ŭ piatnicu ŭsie adpravim pa pošcie.
Siarhiej Kalakin zajaviŭ, što piersanalnyja źviestki nie vydajucca.
«Dziaržava, kali zapytvaje ŭ vas piersanalnyja danyja, ličyć, što źjaŭlajecca jak by apierataram i nie padpadaje pad ustanoŭlenyja joj ža praviły. Choć jość norma, što piersanalnyja danyja možna raspaŭsiudžvać i apracoŭvać tolki sa zhody samoha čałavieka. Nie ŭsie siabry našaj partyi chočuć, kab Miniust viedaŭ ich adras, miesca pracy, telefony… Naohuł, ja liču, što ŭłada ź pierarehistracyjaj palityčnych partyj robić vialikuju duraść, nastupstvy jakoj vyjaviacca praź niekatory čas…» — tłumačyć palityk.
Dakumienty na rehistracyju padała navaśpiečanaja partyja «Biełaja Ruś», praŭładnaja Kamunistyčnaja partyja. Učora biełaruskaja partyja «Zialonyja» zajaviła, što padaje dakumienty na pierarehistracyju taksama bieź piersanalnych źviestak.
-
Eks-supracoŭnic Tut.by Łojku, Tałkačovu i Tkačenku, jakija vyjechali ź Biełarusi, vyrašyli sudzić zavočna
-
U Hrodnie dzicia dva miesiacy krała cacki z kramy. Jaho maci choča padać u sud na pradaŭcoŭ
-
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary