Na dopytach u KDB «za danaty» ciapier patrabujuć zdavać jašče i znajomych, jakija vychodzili na pratesty
U krainie praciahvajuć zdaracca vypadki, kali tych, chto danaciŭ na dapamohu paciarpiełym ad hvałtu siłavikoŭ u 2020-m, vyklikajuć u KDB, dapytvajuć i abkładajuć štrafami. Ale ciapier KDB pajšło dalej i patrabuje ad ludziej zdavać znajomych, jakija vychodzili na pratesty.
U pieršuju čarhu havorka idzie pra tych, chto danaciŭ u 2020-2021 u fond «Bajsoł». Biełaruskija śpiecsłužby praz zapyty ŭ banki identyfikavali koła asobaŭ, z čyich rachunkaŭ u hety čas płaciažy chadzili praz Facebook, praź jaki išła asnoŭnaja masa danataŭ.
Hetych ludziej, pieravažna z zamožnych kołaŭ ajcišnikaŭ i biznes-mieniedžaraŭ, vyklikajuć na dopyty ŭ KDB, dzie prymušajuć pakazać historyju płaciažoŭ u fejsbuku.
Kali jość danaty na palityčnyja kampanii — z čałavieka pad pahrozaj kryminalnaha pieraśledu patrabujuć vypłacić dziesiacikratnuju sumu na karyść režymu. Jak raskazvali raniej, heta nie mienš za 500 dalaraŭ, a ŭ vypadku z ajcišnikami — nie mienš za tysiaču.
Kali čałaviek vałodaje biznesam abo pracuje top-mieniedžaram, ale achviaravaŭ praz fejsbuk adnosna nievialikuju sumu, to ŭ KDB mohuć pryznačyć advolny pamier «adkupnych».
«Dali stolki, kab adčuli», — skazaŭ «Našaj Nivie» mieniedžar adnoj ź minskich kampanij.
U toj ža čas dachodziać śviedčańni, što na takich dopytach apieratyŭniki KDB nastojliva prosiać ci biezapielacyjna patrabujuć (u zaležnaści ad situacyi) ad čałavieka nasuprać «zdać» kahości sa svaich znajomych.
«U mianie dapytvali, chto z maich znajomych vychodziŭ na pratesty. Maŭlaŭ, kali nie skažu, buduć nastupstvy. Ja nazvaŭ ludziej, jakija vyjechali ź Biełarusi praź pieraśled. Adpaviedna, orhanam i tak viadoma pra ich udzieł, a viartacca jany nie źbirajucca», — skazaŭ nam adzin z surazmoŭcaŭ.
Historyju paćvierdziŭ i inšy čałaviek, jaki adnosna niadaŭna byŭ na adpaviednym dopycie.
«Ja «nie zmoh» uspomnić svaich znajomych. Skazaŭ, što tolki sam byŭ taki durań, a ciapier škaduju», — skazaŭ jon.
Krynicy:
Kamientary
Doja etoho i jadiernuju jełdu vtianuli.
Intieriesno, sohłasitsia li nasielenije RB na takoje žiťjo-byťjo?, na žizń bieź miediciny, obrazovanija, dostojnoho zarabotka, s niŝimi piensijami i vozmožnosti dožiť do niejo, na žizń pod rieprieśsijami i v tierrorie v uzakoniennom biezzakonii.
O svobodie i dostoinstvie mołču.