Грамадства88

На допытах у КДБ «за данаты» цяпер патрабуюць здаваць яшчэ і знаёмых, якія выходзілі на пратэсты

У краіне працягваюць здарацца выпадкі, калі тых, хто данаціў на дапамогу пацярпелым ад гвалту сілавікоў у 2020-м, выклікаюць у КДБ, дапытваюць і абкладаюць штрафамі. Але цяпер КДБ пайшло далей і патрабуе ад людзей здаваць знаёмых, якія выходзілі на пратэсты. 

У першую чаргу гаворка ідзе пра тых, хто данаціў у 2020-2021 у фонд «Байсол». Беларускія спецслужбы праз запыты ў банкі ідэнтыфікавалі кола асобаў, з чыіх рахункаў у гэты час плацяжы хадзілі праз Facebook, праз які ішла асноўная маса данатаў. 

Гэтых людзей, пераважна з заможных колаў айцішнікаў і бізнэс-менеджараў, выклікаюць на допыты ў КДБ, дзе прымушаюць паказаць гісторыю плацяжоў у фэйсбуку. 

Калі ёсць данаты на палітычныя кампаніі — з чалавека пад пагрозай крымінальнага пераследу патрабуюць выплаціць дзесяцікратную суму на карысць рэжыму. Як расказвалі раней, гэта не менш за 500 даляраў, а ў выпадку з айцішнікамі — не менш за тысячу. 

Калі чалавек валодае бізнэсам або працуе топ-менеджарам, але ахвяраваў праз фэйсбук адносна невялікую суму, то ў КДБ могуць прызначыць адвольны памер «адкупных». 

«Далі столькі, каб адчулі», — сказаў «Нашай Ніве» менеджар адной з мінскіх кампаній. 

У той жа час даходзяць сведчанні, што на такіх допытах аператыўнікі КДБ настойліва просяць ці безапеляцыйна патрабуюць (у залежнасці ад сітуацыі) ад чалавека насупраць «здаць» кагосьці са сваіх знаёмых. 

«У мяне дапытвалі, хто з маіх знаёмых выходзіў на пратэсты. Маўляў, калі не скажу, будуць наступствы. Я назваў людзей, якія выехалі з Беларусі праз пераслед. Адпаведна, органам і так вядома пра іх удзел, а вяртацца яны не збіраюцца», — сказаў нам адзін з суразмоўцаў. 

Гісторыю пацвердзіў і іншы чалавек, які адносна нядаўна быў на адпаведным допыце. 

«Я «не змог» успомніць сваіх знаёмых. Сказаў, што толькі сам быў такі дурань, а цяпер шкадую», — сказаў ён. 

Крыніцы: 

Каментары8

  • Строят скотный двор на задворках России
    30.05.2023
    Пытаются построить Северную Корею в центре Европы.
    Доя этого и ядерную елду втянули.
    Интересно, согласится ли население РБ на такое житьё-бытьё?, на жизнь без медицины, образования, достойного заработка, с нищими пенсиями и возможности дожить до неё, на жизнь под репрессиями и в терроре в узаконенном беззаконии.
    О свободе и достоинстве молчу.
  • Матуля
    30.05.2023
    "Патрабуюць здаваць"... Што знаыць патрабуюць? А вас хто застаўляе здаваць? Хочуць нацыю пратасевічаў вывесці, пайшлі ў д..у.
  • Лявон Безхрыбетны
    30.05.2023
    Таварышч маёр, памяць падводзiць!  - так трэба адказваць.

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк5

Ілюстратарку з Брэста асудзілі за данаты палку Каліноўскага на шэсць гадоў

Пад Бабруйскам на трасе добра насыпала граду

У Мінску за пратэсты будуць судзіць мужа і жонку. У іх трое дзяцей3

«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім3

Ігар Стралкоў (Гіркін) будзе працаваць краўцом у калоніі1

Пасля 2 гадоў зняволення выйшаў на волю старшыня АГП Мікалай Казлоў9

Борыс Джонсан расказаў, у чым змест мірнага плана Дональда Трампа па Украіне7

Лукашэнка: Мы «кінулі якар» у Расіі і Кітаі, але трэба знаходзіць шляхі супрацоўніцтва і з ЕС4

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →