Polšča dabivajecca, kab u novy sankcyjny pakiet ES uklučyli zabaronu na rehistracyju transpartnych firmaŭ ź Biełarusi i Rasii
Polšča damahajecca ŭklučeńnia ŭ 11-y pakiet sankcyj Jeŭrasajuza zabarony rehistracyi ŭ krainie firmaŭ ź Biełarusi i Rasii. Pra heta zajaviŭ ministr infrastruktury krainy Andžej Adamčyk.
«Adnosna niadaŭna, pierad majskimi śviatami, premjer-ministr Matevuš Maraviecki źviarnuŭsia da Jeŭrapiejskaj kamisii z prapanovaj uklučeńnia ŭ 11-y pakiet sankcyj rasijskich i biełaruskich aŭtamabilnych pryčepaŭ, a taksama zabaronu rehistracyi ŭ Polščy firmaŭ z rasijskim i biełaruskim kapitałam», — skazaŭ ministr.
Tak čynoŭnik prakamientavaŭ strajk polskich transpartnikaŭ, jaki pačaŭsia 9 maja, a dalnabojniki stali błakavać punkt propusku ŭ Kukurykach — apošni na biełaruska-polskaj miažy, jaki pracuje dla fur. Takim čynam jany chočuć vykazać svaju niazhodu z «zachopam rynku aŭtamabilnych hruzapieravozak na ŭschod biełaruskimi i rasijskimi kampanijami».
Dalnabojniki patrabujuć zabaranić ujezd u Polšču paŭpryčepam ź biełaruskaj i rasijskaj rehistracyjaj, prypynić dziejnaść kampanij ź dźviuch krain pad polskim prykryćciom i abmiežavać ilhoty dla ŭkrainskich pieravozčykaŭ.
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud1
Kamientary