Jeŭrasajuz prapanavaŭ spynić pastaŭki rasijskaj nafty pa naftapravodzie «Družba» ŭ Hiermaniju i Polšču
Jeŭrasajuz prapanavaŭ spynić pastaŭki rasijskaj nafty pa paŭnočnaj vietcy trubapravoda «Družba» dla ŭsich krain. Takim čynam mohuć admianić raniej zakładzienyja vyklučeńni dla Hiermanii i Polščy. Pra heta piša Bloomberg sa spasyłkaj na kanfidencyjnyja dakumienty, jakija apynulisia ŭ redakcyi.
![Naftapravod "Družba"](http://d3kcf2pe5t7rrb.cloudfront.net/img/w840d4webp1/photos/z_2023_05/nefteprovod_druzhba-c51o8.jpeg.webp)
Praŭda, kali poŭnaja zabarona dla paŭnočnaj vietki budzie ŭchvalena, to heta stanie ŭ značnaj stupieni simvaličnym rašeńniem. Bo raniej Bierlin i Varšava ŭžo sami spynili zakuplać u Maskvy naftu, vykanaŭšy abaviazacielstvy pa skaračeńni zaležnaści ad rasijskich enierharesursaŭ.
Vyklučeńni ž, jakija dazvalajuć Čechii, Słavakii i Vienhryi atrymlivać rasijskuju naftu pa paŭdniovaj vietcy naftapravoda, zastanucca ŭ sile.
Ahienctva adznačaje, što hetaja inicyjatyva jašče abmiarkoŭvajecca, jaje płanujuć uklučyć u nastupny adzinaccaty pakiet jeŭrapiejskich sankcyj.
Da sankcyj suprać paŭnočnaj vietki «Družby» Polšča zaklikała jašče minułaj vosieńniu, bo heta dało b krainie jurydyčnyja padstavy dla skasavańnia kantraktaŭ z Rasijaj biez štrafaŭ.
Kamientary