Zdaroŭje

Suchaja skura moža być simptomam surjoznych zachvorvańniaŭ. Tak cieła prosić dapamohi

Suchaja skura — nie tolki estetyčnaja prablema. Joj časta spadarožničajuć takija niepryjemnyja źjavy, jak śvierb ci traŭmavańnie epidermisu. Kali naležny dohlad nie dapamahaje — heta padstava zadumacca: što ž usio-tki vyklikaje anamalnuju suchaść skury?

dry skin
Fota: pxhere.com

Suchaść skury nie zaŭsiody vynik drenna padabranaj kaśmietyki. Časam suchaja skura moža być sihnałam arhanizma, što adbyvajecca niešta bolš surjoznaje, piša onet.pl.

Jak heta prajaŭlajecca

Skura stanovicca šurpataj navobmacak i ćmianaj, čałaviek adčuvaje jaje niepryjemnuju ściahnutaść. Mohuć źjaŭlacca balučyja treščynki. Skura taksama pačynaje łupicca — što vyhladaje vielmi nieestetyčna, i časam pieraškadžaje ŭ znosinach ź inšymi ludźmi, moža być pryčynaj psichałahičnych prablem.

U asobnych vypadkach čałaviek adčuvaje śvierb, razdražnieńnie, pakołvańnie ci navat bol.

Što moža vyklikać suchaść skury?

Pa-pieršaje, drenna padabranaja, zanadta mocnaja kaśmietyka, u tym liku myła i łaśjony. Pryčynaj taksama mohuć być pralnyja paraški abo adzieńnie ź niajakasnych materyjałaŭ.

Jašče adna pryčyna, čamu skura stanovicca zanadta suchoj, — zanadta častaje pryniaćcie haračych vannaŭ. Takim čynam my źniščajem lipidny płast, jaki zabiaśpiečvaje naturalnuju abaronu i ŭvilhatnieńnie.

Kali vy zmahajeciesia z suchaściu skury, najpierš pryhledźciesia da kaśmietyki, jakoj karystajeciesia. Dermatołahi rajać admovicca ad myła, jakoje moža pierasušvać skuru.

Zachvorvańni, pry jakich sochnie skura

Časam pryčyna — unutry našaha arhanizma. Kali skura pačynaje mianiać koler, ćviardzieć i ŭsio macniej śviarbieć, varta zadumacca pra naviedvańnie lekara.

Toje ž tyčycca i situacyi, kali miescy źjaŭleńnia skurnych vysypańniaŭ balać i pieratvarajucca ŭ rany.

Pra jakija zachvorvańni heta moža śviedčyć? Voś niekatoryja prykłady:

  1. Dyjabiet. Hetaje kavarnaje zachvorvańnie časta doŭhi čas nijak siabie nie prajaŭlaje. Kali nie lačyć, heta pryvodzić, siarod inšaha, da abiazvodžvańnia i suchaści skury. Akramia taho, dyjabiet taksama vyklikaje bolš pavolnaje hajeńnie ran, što moža vyklikać infiekcyi ŭ našym arhaniźmie. Adnym z najbolš niebiaśpiečnych uskładnieńniaŭ hetaha zachvorvańnia źjaŭlajecca tak zvanaja dyjabietyčnaja stupnia. Uźnikaje ŭ vyniku raźvićcia infiekcyi ŭ patreskanaj skury piatak.
  2. Zachvorvańni ščytapadobnaj załozy. Hetyja stany ŭ pieršuju čarhu charaktaryzujucca zališniaj abo niedastatkovaj vypracoŭkaj harmonaŭ, u tym liku tyraksinu i tryjodtyraninu. Adnym ź simptomaŭ źjaŭlajecca suchaja, žaŭtlavaja i ćmianaja skura, jakaja časta treskajecca i łupicca. Taksama varta źviarnuć uvahu na łokci, kaleni i stupni. U ludziej z prablemami ščytapadobnaj załozy skura ŭ hetych miescach ciamnieje i vyhladaje brudnaj.
  3. Psaryjaz. Hetaje zachvorvańnie abumoŭlenaje parušeńniem pracesu kletačnaha mietabalizmu. U chvorych jon idzie zanadta chutka, tamu staryja kletki nie paśpiavajuć złuščvacca. Heta pryvodzić da taho, što na našym ciele źjaŭlajucca šyški, pakrytyja łuskoj. Nasamreč, heta płasty miortvych kletak. Čaściej za ŭsio jany źjaŭlajucca na łokciach, kaleniach i ŭ rajonie pupka i pajaśnicy, a taksama na vałasistaj častcy hałavy.
  4. Atapičny dermatyt. Charaktaryzujecca pierš za ŭsio źnižeńniem uzroŭniu ceramidaŭ u lipidnym składzie epidermisu. U ludziej, jakija pakutujuć na hetaje zachvorvańnie, skura chutčej hublaje vadu — tamu chutka stanovicca suchoj i ćmianaj. Bolš za toje, takija ludzi taksama čaściej adčuvajuć roznyja vidy razdražnieńnia. Ich skura vielmi dalikatnaja i ŭsprymalnaja da źniešnich faktaraŭ. Atapičny dermatyt prajaŭlajecca ŭ tym liku śvierbam. Skura suchaja, na joj časta źjaŭlajucca balučyja ranki.

Čytajcie jašče:

Čatyry vitaminy dla suchoj skury

Adzinota takaja ž niebiaśpiečnaja, jak 15 cyharet u dzień — hałoŭny doktar ZŠA

Čamu dzieci drenna siabie pavodziać, kali stamilisia

Kamientary

Apakalipsis u Mazyry. Štorm nakryŭ Homielščynu1

Apakalipsis u Mazyry. Štorm nakryŭ Homielščynu

Usie naviny →
Usie naviny

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

bolš čytanych navin
bolš łajkanych navin

Apakalipsis u Mazyry. Štorm nakryŭ Homielščynu1

Apakalipsis u Mazyry. Štorm nakryŭ Homielščynu

Hałoŭnaje
Usie naviny →