Pasły ES uzhadnili vyłučeńnie kredytu dla Ukrainy na sumu 35 miljardaŭ jeŭra, zabiaśpiečanaha za košt dachodaŭ ad zamarožanych aktyvaŭ rasijskaha Centrabanka. Pra heta napisaŭ redaktar Radyjo Svaboda / Radyjo Svabodnaja Jeŭropa pa jeŭrapiejskich pytańniach Rykard Joźviak u sacsietcy X.
«Finansavaja dapamoha nakiravanaja na nieadkładnaje zadavalnieńnie nieadkładnych finansavych patrebaŭ Ukrainy, jakija ŭzraśli praz uzmocnienuju ahresiju Rasii ŭ dačynieńni da Ukrainy»,-havorycca ŭ paviedamleńni Rady ES.
Sa słoŭ Joźviaka, pa-raniejšamu nie vyrašanaje pytańnie ab padaŭžeńni sankcyj u dačynieńni da rastjskich aktyvaŭ praz toje, što Vienhryja vystupaje suprać.
Raniej ministr finansaŭ Vienhryi Michaj Varha zajaviŭ, što Budapiešt nie padtrymaje źmianieńnie ŭ sankcyjach ES suprać zamarožanych aktyvaŭ Rasti, što dazvoliła b dać Ukrainie kredyt. Budapiešt choča pačakać z hetym rašeńniem da vybaraŭ prezidenta ZŠA, jakija adbuducca 5 listapada 2024 hoda.
Vydzialeńnie kredytu Ukrainie na sumu ŭ 35 młrd jeŭra ŭ ramkach abaviazacielstvaŭ «Vialikaj siamiorki» 20 vieraśnia 2024 hoda anansavała kiraŭnik Jeŭrakamisii Ursuła fon der Lajen. Prezident Ukrainy Uładzimir Zialenski na bryfinhu z fon der Lajen u Kijevie rastłumačyŭ, što hrošy płanujecca nakiravać na enierhietyku, bambaschoviščy i častkova na ŭzbrajeńnie, a taksama na srodki supraćpavietranaj abarony.
Pamierłaha 52-hadovaha aŭtaślesara ź Viciebska hod nazad strašna źbili milicyjanty2
Kamientary