U Lidzie žančyna sušyła hryby nad hazavaj plitoj i ledź nie spaliła dom
Padrabiaznaści incydentu paviedamili ŭ pres-słužbie Hrodzienskaha abłasnoha ŭpraŭleńnia MNS.
8 kastryčnika prykładna ŭ 07:32 ratavalniki vyjazdžali na vulicu Ščorsa ŭ Lidzie, dzie na pryvatnym padvorku hareŭ žyły dom. Kali supracoŭniki MNS prybyli na miesca, u domie adčuvaŭsia pach harełaha, adnak na kuchni nie było vidavočnych śladoŭ pažaru.
Jak raspaviała haspadynia, jana pakinuła hryby sochnuć nad hazavaj plitoj i pajšła zajmacca haspadarčymi spravami. Praź niekatory čas žančyna adčuła pach harełaha, a paśla ŭbačyła, što haryć kuchonny invientar. Pra zdareńnie jana adrazu paviedamiła ŭ MNS i razam z mužam pačała tušyć ahoń.
Da pryjezdu ratavalnikaŭ ahoń byŭ patušany. U vyniku zdareńnia paškodžana mebla, zakuranyja ścieny i stol na kuchni.
«Chutčej za ŭsio, suška hryboŭ nad hazavaj plitoj pryviała da ahniavoj nadzvyčajnaj situacyi», — miarkujuć u MNS.
Kamientary