Stołtenbierh: Vajennaj mocy Kijeva dastatkova dla vyzvaleńnia akupavanych terytoryj
Hienieralny sakratar NATO Jens Stołtenbierh zajaviŭ, što sajuźniki i partniory Ukrainy ŭ Paŭnočnaatłantyčnym aljansie pieradali Kijevu amal usiu abiacanuju vajskovuju techniku — 1550 bronietransparcioraŭ i 230 tankaŭ, a taksama «vielizarnuju kolkaść bojeprypasaŭ», piša Bi-bi-si.
«Bolš za 98% bajavych mašyn, jakija byli abiacanyja Ukrainie, užo pieradadzienyja [u rasparadžeńnie ŭkrainskaha kamandavańnia]», — zapeŭniŭ Stołtenbierh žurnalistaŭ u čaćvier, vystupajučy na sumiesnym bryfinhu z premjer-ministram Luksiemburha Ksaŭje Bietelem.
Pa słovach hienieralnaha sakratara, z ulikam pieradadzienaj techniki i pastaŭlenych dla patreb USU snaradaŭ, ciapier va ŭkrainskaj armii jość nieabchodnyja techničnyja mahčymaści dla vyzvaleńnia terytoryj krainy, akupavanych rasijskimi vojskami.
Stołtenbierh taksama zhadaŭ telefonnuju razmovu pamiž prezidentam Ukrainy Uładzimiram Zialenskim i kitajskim lidaram Si Czinpinam, jakaja adbyłasia napiaredadni.
Sa słoŭ hienieralnaha sakratara, u NATO vitajuć sam fakt pieršaj razmovy dvuch lidaraŭ za hod ź lišnim — z pačatku poŭnamaštabnaj vajny, adnak adznačajuć, što Kitaj pa-raniejšamu tak i nie vystupiŭ z publičnym asudžeńniem rasijskaha ŭvarvańnia.
Kamientary