Aŭto33

«Zialonaja karta» chutka ŭsio. Jak buduć afarmlacca strachavyja polisy na aŭto dla vyjezdu za miažu?

Z červienia biełarusy zhubiać mahčymaść afarmlać «Zialonuju kartu» dla vyjezdu na aŭto ŭ ES. Pierasoŭvacca pa Jeŭropie na svajoj mašynie možna budzie tolki paśla afarmleńnia polisa ŭ zamiežnych strachavych kampanijach. Jak i pa jakich cenach daviadziecca strachavać aŭtamabili dla vyjezdu za miažu?

Termin dziejańnia abaviazacielstvaŭ pa ŭzajemnym pryznańni «Zialonaj karty» skončycca 1 červienia.

Ad hetaha času zastrachavać aŭtamabil i inšyja transpartnyja srodki dla pajezdki pa Jeŭropie možna budzie tolki ŭ zamiežnych strachavych kampanijach. Heta moža być, jak admysłovy polis pryhraničnaha strachavańnia, tak i strachoŭka zvyčajnaha ŭzoru, kali kampanija hatova zastrachavać aŭtamabil, zarehistravany ŭ inšaj krainie. 

Ci stanuć strachoŭki daražejšymi?

«Zialonaja karta» ŭ Biełarusi pradavałasia pa cenach ad 30 da 425 jeŭra. Samaja tannaja kaštuje 30 jeŭra i maje termin dziejańnia ŭ 15 dzion. Miesiačnaja strachoŭka na lehkavoje aŭto kaštuje 50 jeŭra. Zastrachavć aŭtamabil na bolšy termin užo niemahčyma. Dla daviedki, «Zialonaja karta» na try miesiacy pradavałasia za 145 jeŭra, na paŭhoda za 230, a na hod za 425 jeŭra. 

Ciapier biełarusam daviadziecca strachavać transpart niepasredna ŭ Polščy, Litvie abo Łatvii. 

U Litvie ceny na strachoŭki dla lehkavych aŭto, zarehistravanych u Biełarusi, vyhladajuć nastupnym čynam:
15 dzion — 21 jeŭra, miesiac — 36 jeŭra, try miesiacy — 108 jeŭra. 

U Polščy zastrachavać biełaruski aŭtamabil možna pa cenach ad 37 jeŭra za tryccać dzion. Strachoŭka na try miesiacy abydziecca ŭ 97 jeŭra, na paŭhoda — 165, hadavy polus kaštuje 225 jeŭra. 

Jak bačym, u finansavym płanie biełaruskija aŭtaamatary ničoha nie hublajuć. Praz roźnicu ŭ cenach mnohija aŭtamabilisty, jakija praciahły čas jeździli na aŭto ź biełaruskaj rehistracyjaj za miežami Biełarusi, i raniej strachavali svaje aŭto ŭ ES. Adziny minus, ź jakim jany mahli sutyknucca, chavaŭsia ŭ tym, što paśla pryjezdu na radzimu im usio adno davodziłasia kuplać strachoŭku ŭ Biełarusi.

Reč u tym, što ŭ nas na zakanadaŭčym ŭzroŭni było prapisana, što zarehistravany ŭ krainie aŭtamabil pry vyjeździe za miažu musić mieć «Zialonuju kartu», aformlenuju ŭ biełaruskaj strachavoj kampanii. 

Paśla 1 červienia biełaruskija pamiežniki bolš nie zmohuć hetaha patrabavać.

Tym nie mienš, prynamsi pakul nie zrazumieła, ź jakimi składanaściami mohuć sutyknucca biełaruskija aŭtamabilisty paśla daty iks. Kali strachavyja kampanii susiednich krain ES arhanizujuć afarmleńnie polisaŭ naŭprost kala punktaŭ propusku na miažy ź Biełaruśsiu, to skasavańnie pahadnieńnia nie pryniasie dadatkovych kłopataŭ.

Niekatoryja strachavyja kampanii ŭ Polščy i Litvie dazvalajuć nabyć strachoŭku dystancyjna. Hałoŭnaje — vyrašyć pytańnie z apłataj.

A voś chto biezumoŭna prajhraje ad skasavańnia pahadnieńnia pamiž Biełaruśsiu i 32 krainami Jeŭropy — dyk heta biełaruskija strachavyja kampanii. «Zialonyja karty» składali 21,8% u abjomie strachavych uznosaŭ pa abaviazkovym strachavańni hramadzianskaj adkaznaści. 

Z 1 červienia ŭ biełaruskich strachavych kampanij zastajecca mahčymaść afarmlać «Zialonyja karty», jaki buduć dziejničać na terytoryi Rasii i niekatorych inšych krain. Usiaho ŭ pahadnieńni ab «zialenaj karcie» udzielničalničaje 48 krain, 32 ź ich aficyjna apaviaścili ab skasavańni dvuchbakovaha pahadnieńnia z RB i RF, pačynajučy z 1 červienia 2023 hoda. Ukraina razarvała pahadnieńnie ab uzajemnym pryznańni hetych strachavych siertyfikataŭ, vydadzienych biełaruskimi i rasijskimi strachavymi kampanijami, jašče 5 krasavika 2022 hoda.

*Pryviedzienyja ŭ artykule ceny na strachavyja polisy dla aŭto z zamiežnaj rehistracyjaj u Polščy i Litvie mohuć adzroźnivacca ŭ zaležnaści ad kankretnaj strachavoj kampanii.

U čatach biełarusy dzielacca kantaktami dla afarmleńnia polisa ŭ Polščy (+48791267772, Viber, Telegram, WhatsApp) i Litvie (+37064731577, Viber, Telegram).

«Naša Niva» — bastyjon biełaruščyny

PADTRYMAĆ

Čytajcie taksama: 

Jak adroźnivajucca ceny na novyja aŭto ŭ Jeŭropie i Biełarusi

Lada pakazała svoj pieršy elektramabil. Jaho budujuć na bazie Dacia Logan MCV rodam z 2006 hoda

«Pradajecca ŭ suviazi ź pierajezdam». Ci šmat biełarusaŭ pradaje mašyny z-za emihracyi?

Kamientary3

  • Noŭnejm
    27.04.2023
    "Paśla 1 červienia biełaruskija pamiežniki bolš nie zmohuć hetaha (zialenych kart, nabytych u błr kampanijach) patrabavać"
    Jašče jak zmohuć!
  • Śliž
    27.04.2023
    Noŭnejm , pridumajut strachovku dla pieriesiečienija niejtralnoj połosy za 50 jevro v miesiac)))
  • Siery
    28.04.2023
    Śliž, tak im i dumať nienado..vy sami vsie podskažietie..po vašim požiełanijam i zdiełajut..

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Usie naviny →
Usie naviny

«Zamoŭ vielmi šmat». Polski restaran arhanizavaŭ dastaŭku picy prosta ŭ čarhu na miažy ź Biełaruśsiu1

Połk Kalinoŭskaha abvierh paviedamleńnie Minabarony Biełarusi ab hibieli Jana Rudzika3

U Ispanii dakazali hipotezu 54-hadovaj daŭniny viadomaha matematyka rodam z Kobryna

Pad Varšavaj trahična zahinuŭ 31-hadovy biełaruski ravaryst Alaksandr Pustavitaŭ4

Čamu ŭ haračyja dni časta balić hałava i jak ad taho ŭbierahčysia

U miastečku Haradok na Biełastoččynie siońnia pačaŭsia fiestyval Tutaka

Milicyja stralała ŭ dvary minskaha šmatpaviarchovika. Što zdaryłasia?

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

bolš čytanych navin
bolš łajkanych navin

U Minsku na ludziej, jakija viartalisia ź plažu, upała dreva, zahinuła dziaŭčyna

U Minsku na ludziej, jakija viartalisia ź plažu, upała dreva, zahinuła dziaŭčyna

Hałoŭnaje
Usie naviny →