U Šviejcaryi za šmatlikija kradziažy zatrymali čatyroch chłopcaŭ, siarod ich i biełarus
U Šviejcaryi papiarednie zatrymanyja čaćviora chłopcaŭ, padazravanych va ŭčynieńni ažno 92 pravaparušeńniaŭ — dvoje šviejcarcaŭ, kasavar i biełarus va ŭzroście 16 i 17 hadoŭ. Pra heta paviedamlaje miascovaja palicyja, na jakuju spasyłajecca sajt «Biełaruś i śviet».
![Aŭtamabil palicyi kantona Vale](http://d3kcf2pe5t7rrb.cloudfront.net/img/w840d4webp1/photos/z_2023_04/politsia_shveitsaria-bb60o.jpg.webp)
Maładych ludziej, jakija žyvuć u šviejcarskim kantonie Ženieva, padazrajuć u złačynstvach suprać ułasnaści, siarod jakich u pieršuju čarhu kradziažy z uzłomam z aŭtamabilaŭ, kradziažy i sproby kradziažu z uzłomam, kradziažy rovaraŭ i rovaraŭ z matoram.
Sumarny košt vykradzienaj majomaści i pamier naniesienaj materyjalnaj škody aceńvajecca ŭ 130 tysiač šviejcarskich frankaŭ. Pa biahučym kursie heta kala 145 tysiač dołaraŭ ZŠA.
Pravaparušeńni rabilisia na terytoryi kantona Vale. Tak, u kancy listapada 2022 hoda byli ŭzłamanyja 14 aŭtamabilaŭ u horadzie Śjon. Paśla 61 vypadak byŭ zafiksavany ŭ rajonach nasielenych punktaŭ Bryh-Hlis, Naters i Bitč, jašče 7 — u dalinie Matertal.
Paśla taho, jak u sakaviku 2023 hoda chłopcaŭ zatrymali, stała viadoma jašče pra 10 faktaŭ pravaparušeńniaŭ, pra jakija raniej nie zajaŭlałasia.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://d3kcf2pe5t7rrb.cloudfront.net/img/w450h300crop1webp1/photos/stock/viachorka3-aajnw.jpg.webp)
Kamientary