U Breście žančynie pamianiali amal 6 tysiač sapraŭdnych dalaraŭ na suvienirnyja
U bresckuju milicyju z zajavaj ab kradziažy bujnoj sumy źviarnułasia 62-hadovaja vykładčyca adnoj ź siarednich śpiecyjalnych navučalnych ustanoŭ horada. Naniesienyja joj straty skłali 5,6 tysiačy dalaraŭ.
Pakolki ŭ žančyny niekali ŭžo skrali hrošy z kvatery, to jana dla ich zachoŭvańnia nahledzieła bolš nadziejnaje miesca — pracoŭny kabiniet. Jana była nastolki ŭpeŭnienaja, što tam im ničoha nie pahražaje, što niekalki hadoŭ navat nie praviarała svaju schovanku, a stratu hrošaj vyjaviła, kali vyrašyła ich adnojčy pieraličyć.
Nieŭzabavie było vyznačana, što da kradziažu moža być datyčny 26-hadovy kaleha žančyny. Jon pryznaŭsia, što kali ŭ kabiniecie nikoha nie było, chacieŭ skraści ŭ kalehi ŭsiaho niekalki rubloŭ na asabistyja patreby. Ale kali znajšoŭ bujnuju sumu ŭ valucie, to nie zmoh supraćstajać spakusie i navažyŭsia na machinacyju.
Chłopiec kupiŭ suvienirnyja kupiury i zamianiŭ imi sapraŭdnyja, a skradzienyja hrošy vydatkavaŭ na kuplu aŭtamabila.
Ciapier suprać jaho zaviali kryminalnuju spravu za kradziež, učynieny ŭ bujnym pamiery. Fihurantu pahražaje da 7 hadoŭ pazbaŭleńnia voli.
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca5
Kamientary