Makron: Ja chaču pieramohi Ukrainy, ale suprać taho, kab Rasija była razdušanaja
Prezident Francyi Emaniuel Makron u intervju, dadzienym na borcie samalota padčas viartańnia ź Miunchienskaj kanfierencyi pa biaśpiecy, raskazaŭ pra toje, jak bačyć budučyniu Rasii paśla vajny.
«Ja nie dumaju, jak niekatoryja, što treba damahčysia poŭnaha razhromu Rasii, atakavać jaje na ŭłasnaj terytoryi. Im chaciełasia b u pieršuju čarhu razhramić Rasiju. Ale heta nikoli nie było i nikoli nie budzie pazicyjaj Francyi», — zajaviŭ Makron.
«Nieabchodna, kab ukrainski nastup pachisnuŭ rasijski front i prymusiŭ Maskvu viarnucca za stoł pieramoŭ», — miarkuje prezident Francyi.
Pry hetym, pavodle jaho słoŭ, u «nivodnaha z bakoŭ nie atrymajecca damahčysia poŭnaj pieramohi».
Akramia taho, Makron miarkuje, što ŭsie kandydatury na pasadu prezidenta Rasii ŭ «ramkach ciapierašniaj sistemy» zdajucca jamu horšymi za Uładzimira Pucina.
«My ščyra vierym, što rasijskaja hramadzianskaja supolnaść zrobić demakratyčny vybar? Ja vielmi hetaha chaču, ale nie vielmi ŭ heta vieru», — adznačyŭ francuzski lidar.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?1
Kamientary
a Napoleon?