Skandał z-za Niatrebki: hrupa Pussy Riot admoviłasia vystupać na fiestyvali ŭ Hiermanii zamiest artystaŭ z Ukrainy
Rasijski hurt Pussy Riot admoviŭsia vystupać na mižnarodnym majskim fiestyvali ŭ niamieckim Visbadenie paśla taho, jak stała viadoma, što razam ź im u mierapryjemstvie pavinna budzie prymać udzieł opiernaja śpiavačka z Rasii Hanna Niatrebka. Raniej dva ŭdzielniki fiestyvalu z Ukrainy zajavili, što nie majuć namieru jechać u Visbaden na znak pratestu suprać śpiektaklaŭ Niatrebki, piša Bi-bi-si.
U sieradu Mižnarodny fiestyval u Visbadenie (fiederalnaja ziamla Hiesen) apublikavaŭ aficyjnuju prahramu vystupaŭ, zhodna ź jakoj 5 i 7 maja pavinny adbycca dva śpiektakli pavodle pjesy Džuzepe Vierdzi «Nabuka», u jakich vystupiać Niatrebka i sierbski opierny śpiavak Želka Łučyč.
Na fiestyval u Visbadenie taksama byli zaprošanyja muzykanty Nacyjanalnaj opiery Ukrainy i artysty Charkaŭskaha dramatyčnaha teatra imia Tarasa Šaŭčenki.
Adnak pradstaŭniki Ukrainy zapatrabavali ad arhanizataraŭ admianić vystup Niatrebki — u advarotnym vypadku jany pahražali admovicca ad svajoj pajezdki na fiestyval.
«Ukrainski bok nie budzie ciarpieć nijakaha supracoŭnictva z krainaj-ahresaram, nie budzie ŭdzielničać u lubych kulturnych mierapryjemstvach razam ź jakim-niebudź pradstaŭnikom rasijskaj kultury i nie maje namieru być častkaj mierapryjemstvaŭ, jakija prapahandujuć rasijskuju kulturu», — było skazana ŭ liście ministra kultury Ukrainy Alaksandra Tkačenki.
Zrešty, dla Ukrainy važnaja nie tolki sama prynaležnaść Niatrebki da rasijskaj kultury, ale i jaje palityčnaja pazicyja. Śpiavačka była davieranaj asobaj Uładzimira Pucina, padtrymlivała anieksiju Kryma i dziejańni Rasii ŭ Danbasie.
U sakaviku 2022 hoda Niatrebka apublikavała ŭ fejsbuku zajavu z asudžeńniem vajny va Ukrainie. «Ja nie ŭdzielnica jakoj-niebudź palityčnaj partyi i nie źviazanaja ź jakim-niebudź rasijskim lidaram», — napisała jana. Niatrebka dadała, što ciapier pastajanna žyvie ŭ Aŭstryi.
Pazicyja Pussy Riot
Da hetaha, jašče ŭ lutym 2022-ha, usie adnosiny ź joj razarvaŭ amierykanski teatr Metropolitan Opera; pry hetym z-za antyvajennaj pazicyi admianialisia i jaje vystupy ŭ Rasii.
Arhanizatary fiestyvalu ŭ Visbadenie ŭ adkaz na list Ukrainy zajavili, što nie mohuć admovicca ad vystupaŭ rasijskich artystaŭ, rasijskaj muzyki i ruskaj movy, pakolki padobnyja patrabavańni «niedapuščalnyja ŭ svabodnaj krainie».
«My zaniali vyraznuju pazicyju suprać pucinskaj ahresiŭnaj vajny, a taksama suprać usich dziejańniaŭ pucinskaha režymu. Ale heta nie moža aznačać, što my asudžajem uvieś rasijski narod i ŭsiu rasijskuju kulturu», — cytuje Deutsche Welle zajavu kiraŭnictva Hiesienskaha dziaržaŭnaha teatra.
Kali ŭdzieł u fiestyvali ŭkrainskich artystaŭ kančatkova admianiŭsia, stała viadoma, što ŭ Visbadenie zamiest ich pavinien vystupić rasijski rok-hurt Pussy Riot.
Adnak u paniadziełak uviečary ŭ rasparadžeńnie Bi-bi-si pastupiła zajava hurta Pussy Riot, u jakoj skazana: «Ab udziele ŭ fiestyvali Niatrebki nam nichto nie kazaŭ. U roŭnaj stupieni nichto nam nie kazaŭ ab tym, što nami prosta sprabujuć zatknuć dzirku, zamiaściŭšy ŭkraincaŭ, jakija admovilisia ad vystupu.
My, zrazumieła, u takich abstavinach admianiajem kancert. My admaŭlajemsia ad udziełu z salidarnaści z ukrainskimi artystami», — havorycca ŭ zajavie Pussy Riot.
Mižnarodny majski fiestyval u Visbadenie — adno z hałoŭnych kulturnych mierapryjemstvaŭ u Hiermanii, jon pačaŭ pravodzicca ŭ 1869 hodzie. U hetym hodzie fiestyval pryśviečany palityčnym źniavolenym pa ŭsim śviecie.
Na zimu zapłanavanyja masavyja zatrymańni, składzienyja «pieršy i druhi śpisy»22
Kamientary