Pravakatar-dalnabojščyk Juryj Komar pracuje ŭ kampanii ź Biełastoka
Pravakatar-dalnabojščyk, pa danosach jakoha HUBAZiK zatrymlivaje i źbivaje biełarusaŭ, akazaŭsia rabotnikam kampanii ź Biełastoka, daviedaŭsia BYPOL.
BYPOL paviedamlaje, što 41-hadovy Juryj Komar z Mazyra pracuje kiroŭcam-mižnarodnikam u polskaj firmie AZONIK SP.ZP.O.O. Hetaja kampanija zarehistravanaja ŭ Biełastoku.
Komar pracuje dalnabojščykam na maršrutach z Kitaja, Rasii, Biełarusi ŭ krainy Jeŭrasajuza. Dolaj kampanii, u jakoj pracuje Komar, vałodajuć biznesmieny z Rasii i Biełarusi.
BYPOL padkreślivaje, što ŭsiu infarmacyju jany pieradaduć pravaachoŭnym orhanam Polščy, a taksama inšym zacikaŭlenym asobam.
Juryj Komar padčas rejsaŭ pravodzić čas u «čat-ruletcy». Tam jon nazyvaje siabie hramadzianinam Ukrainy i pravakuje ludziej, ź jakimi maje znosiny, na rezkija vykazvańni na adras Alaksandra Łukašenki. Paśla jon vykładvaje videazapisy ŭ volny dostup u internecie.
Viadoma, što paśla taho, jak Komar pačaŭ vykładvać svaje videa ŭ internet, byli zatrymanyja niekalki čałaviek. Zatrymanych łukašenkaŭskija siłaviki źbivali.
Čytajcie taksama:
Hety łukašenkaviec pravakuje ludziej u čat-ruletcy, a paśla ich zatrymlivajuć i źbivajuć. Raskazvajem, chto jon
«Prahnazuje paražeńnie Rasii ŭ vajnie i što paśla hetaha ŭ Biełarusi moža pačacca revalucyja». Pa danosach łukašysta, jaki pravakuje ludziej u čat-ruletcy, zatrymali jašče čaćviarych
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary