Kino22

Liniejka filmaŭ Netflix na 2023 hod vyhladaje niebahata, ale cikava

Netflix anansuje svaje samyja cikavyja prajekty, premjera jakich adbudziecca sioleta.

Kožny hod Netflix źbiraje padborku z anonsam novych stužak, kab zacikavić padpisčykaŭ tym, što ich čakaje, i kab pierakanać padpisacca tych, chto jašče nie padpisaŭsia. Niekatoryja ahladalniki ŭžo nazvali sioletniuju liniejku filmaŭ davoli biednaj, źviazaŭšy heta z ekanomijaj srodkaŭ. Tym nie mienš niekatoryja premjery 2023 hoda vyklikajuć cikavaść u hledačoŭ. Voś niekatoryja ź ich.

«Luter: Zaniapałaje sonca» (Luther: The Fallen Sun) — premjera 10 sakavika

Uvieś Łondan skavany stracham: na svabodzie znachodzicca sieryjny zabojca, uvieś Łondan napružany ad strachu, što nichto nie zmoža spynić zabojčuju lutaść. Adnak chvala žudasnych zabojstvaŭ — heta jakraz toje, što treba dyskredytavanamu detektyvu Džonu Luteru (Idrys Elba), kab vyrvacca z turmy. Mienavita jon pavinien vysačyć psichapata, jaki teraryzuje horad. U filmie taksama źnialisia Sincija Eryva, Endzi Sierkis i Dermat Kroŭli, i jon debiutuje 10 sakavika.

Vyjava: Netflix

«Maci» (The Mother) — premjera 12 maja

Dženifier Łopies u hetym filmie režysiorki Niki Karo vykonvaje rolu byłoj zabojcy. Jana narešcie vyrašaje vyjści sa schovanki, u jakoj była peŭny čas, z adnoj tolki metaj znajści i abaranić dačku, ad jakoj jana pieršapačatkova admoviłasia. U filmie taksama źnialisia Džozef Fajns, Amary Chardvik i mieksikanski sercajed Hael Harsia Biernal.

Vyjava: Netflix

«Vymańnie 2» (Extraction 2) — premjera 16 červienia

Viartańnie Krysa Chiemsvarta ŭ roli niepieramožnaha aŭstralijskaha najmita. Pieršaja častka, jakaja vyjšła ŭ 2020 hodzie, ujaŭlała saboj badziory bajavik ź virtuozna pastaŭlenym ekšnam, za što i atrymała adnosna dobryja vodhuki. U novym filmie hieroj Chiemsvarta budzie ratavać siamju biaźlitasnaha hruzinskaha hanhstera, jakaja apynułasia ŭ turmie. U filmie taksama źnialisia Holšyfte Farachani, Adam Biesa i Danieł Biernchart.

Vyjava: Netflix

«Jany kłanavali Tajrana» (They Cloned Tyrone) — premjera 21 lipienia

Pieršapačatkova Netflix płanavaŭ premjeru stužki jašče letaś, ale ž ciapier kančatkova płanujecca vypuścić jaje ŭ lipieni hetaha hoda. Niahledziačy na toje, što Ślik Čarlz (Džejmi Foks), Fantejn (Džon Bajeha) i Jo-Jo (Tejona Perys) čaściakom nie mohuć znajści ahulnuju movu, trya abjadnoŭvajecca, kab vykryć uradavuju zmovu z udziełam kłonaŭ i apaviaścić hramadskaść adnosna taho, što adbyvajecca. U filmie taksama źniaŭsia Kifier Sazierlend, a sama kinastužka zajaŭlenaja ci to jak fantastyčna-kamiedyjny detektyŭ, ci to jak detektyŭna-fantastyčnaja kamiedyja. Što akažacca bližej da praŭdy — vyrašać vam.

Vyjava: Netflix

«Dziaŭčyna» (Damsel) — premjera 13 kastryčnika

U filmie režysiora Chuana Karłasa Fresnadylja hałoŭnuju rolu vykonvaje Mili Bobi Braŭn — zorka netfliksaŭskaha chita Stranger Things — što ŭžo samo pa sabie abiacaje pryciahnuć da ekranaŭ uvahu amataraŭ sieryjała. Braŭn vykonvaje rolu maładoj dziaŭčyny, jakuju chočuć addać zamuž za pryhožaha prynca. Hierainia była b i nie suprać takoha raźvićcia padziej, ažno pakul nie zrazumieła, što ŭsio nie zusim tak biaschmarna. Kali vyjaŭlajecca, što podłaja karaleŭskaja siamja nasamreč źbirajecca prynieści jaje ŭ achviaru cmoku, hierainia vymušanaja vykarystoŭvać svaju kiemlivaść, kab vybracca žyvoj z pastki piačory. U filmie taksama źnialisia Andžeła Basiet, Robin Rajt, Rej Uinstan, Nik Robinsan i inšyja.

Vyjava: Netflix

«Lea» (Leo) — premjera 22 listapada

Paśla doŭhaha žyćcia, praviedzienaha ŭ jakaści školnaha hadavanca ŭ kłasie, usio, čaho choča 74-hadovy jaščar Lea (ahučvaje Adam Sendler), — heta trochi času pa-za miežami svajho teraryuma i dalej ad susieda-čarapachi (ahučvaje Bił Bior). Ale kali ŭ Lea, narešcie, atrymlivajecca ažyćciavić svoj płan uciokaŭ, jon adrazu traplaje ŭ chaatyčny niepradkazalny śviet pa-za zonaj kamfortu. U ahučcy multfilma taksama ŭziali ŭdzieł Rob Šnajder, Siesili Stronh, Džejsan Alaksandr i Džo Koj.

Vyjava: Netflix

«Pakińcie śviet zzadu» (Leave the World Behind) — premjera 8 śniežnia

Film scenarysta i režysiora Sema Esmaiła raspaviadaje pra dźvie siamji, jakija adpačyvajuć na Łonh-Ajlendzie. Rajskaje zadavalnieńnie pieraryvajecca z-za raptoŭnaha adklučeńnia śviatła, jakoje, zdajecca, pakidaje bolšuju častku vyspy biez elektryčnaści. Pakul siemji sprabujuć vyśvietlić, što adbyvajecca, źjaŭlajucca dźvie tajamničyja postaci, jakija papiaredžvajuć ich, što adklučeńnie śviatła — niešta bolšaje, čym zdajecca. Akciorski skład uražvaje: u filmie siarod inšych źnialisia Džulija Robierts, Machieršała Ali, Itan Choŭk i Kievin Bejkan.

Vyjava: Netflix

«Paŭstancki miesiac» (Rebel Moon) — premjera 22 śniežnia

Film ad znakamitaha režysiora Zaka Snajdera raspaviadaje pra žyćcio kałonij na źniešnim krai hałaktyki. Kali zachopnickaja armija tyraničnaha Rehienta Balizaryja pahražaje mirnamu ładu žyćcia kałonij, maładaja žančyna Kora pačynaje stvarać ułasnuju armiju dla abarony. U filmie źnialisia Safija Buteła, Čarli Chanem, Entani Chopkins, Džymon Chonsu i inšyja.

Vyjava: Netflix

Kamientary2

  • Złobnyj vožyk
    26.01.2023
    Niečieho smotrieť. Kohda tam užie II naučitsia tiekstovyje novosti v filmy raznych žanrov pieriediełyvať?
  • Aniołak
    27.01.2023
    Netfliks - poŭnaja šafa, a nadzieć (pahladzieć) niama čaho.

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?11

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Biełarusy ŭ Varšavie ładziać viasielle dla svaich buldohaŭ. U niaviesty i žanicha budzie ŭsio — ad torta da kaściumaŭ13

Ciapier u Biełarusi, kab zrabić EKA, patrebna daviedka ad psichijatra. Źjavilisia i inšyja abmiežavańni3

Hiejmier viarnuŭsia na forum praz 11 hadoŭ bana — i tak ašałamiŭ farumčan, što jany zachacieli jaho znoŭ zabłočyć

Va ŭnutranych vojskaŭ zaŭvažyli zachopleny ŭkrainski bronieaŭtamabil. Jak jon moh trapić u Biełaruś?2

U Varšavie padletki na žyŭca łavili piedafiła, toj adbivaŭsia nažom7

Stała viadoma, pieśnia jakoj amierykanskaj supierzorki stanie hałoŭnaj padčas kampanii Kamały Charys6

Jak pracujuć rasijskija botafiermy, jakija vykarystoŭvajuć ShatGPT

U polskaj sistemie sacstrachavańnia zarehistravana 134 tysiačy hramadzian Biełarusi1

Prapahanda raspaŭsiudžvaje fejk nakont škody ad vakcyny Pfizer19

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?11

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →