Były namieśnik dekana žurfaka BDU, jaki śviedčyŭ pa «spravie studentaŭ», staŭ rektaram abłasnoha instytuta
Prasoŭvacca pa karjernaj leśvicy Fiodar Drabienia pačaŭ paśla taho, jak adznačyŭsia represijami ŭ dačynieńni da pratestujučych studentaŭ žurfaka BDU i vystupiŭ u jakaści śviedki ŭ sudzie pa «spravie studentaŭ».
Vosieńniu 2020 hoda, kali adbyvalisia padziei, za jakija paźniej asudzili 12 čałaviek, Fiodar Drabienia byŭ namieśnikam dekana pa vychavaŭčaj rabocie žurfaka BDU.
U 2021-m Drabienia pierajšoŭ u Akademiju paśladypłomnaj adukacyi i staŭ dekanam fakulteta prafiesijnaha raźvićcia śpiecyjalistaŭ, a praz hod — rektaram Minskaha abłasnoha instytuta raźvićcia adukacyi.
Kalektyvu jaho pradstavili ŭ śniežni 2022-ha.
U sudzie pa «spravie studentaŭ» Fiodar Drabienia raskazvaŭ, što zryvaŭ zaniatkaŭ nie było, ale było dyskamfortna: maŭlaŭ, byli śpievy, a potym pačaŭsia varušniak, kalidory padčas akcyj byli zabityja, prajści — niemahčyma.
Fiodar Drabienia kazaŭ, što akcyi studentaŭ byli dla taho, kab «papijarycca», «paźbirać łajki», ale «jany nie viedali, u što ŭviazvalisia».
Były namieśnik dekana žurfaka BDU kantralavaŭ praces zboru studentaŭ na akcyi, pravodziŭ asabistyja prafiłaktyčnyja hutarki z tymi, kaho paznavaŭ u natoŭpie siarod udzielnikaŭ akcyj.
«Ja ŭžyŭ maksimum svajho abajańnia i charyzmy, kab trymać akcyi ŭ pravilnym rečyščy», — kazaŭ jon.
Na pytańnie advakata, ci mahli studenty ŭpłyvać na situacyju ŭ krainie, Fiodar Drabienia adkazvaŭ, što «studenty nie zdolnyja na takija maštabnyja dziejańni».
Na žurfaku BDU namieśnik dekana vynosiŭ dyscyplinarnyja spahnańni studentam, prymušaŭ pisać tłumačalnyja i pahražaŭ adličeńniem.
Niekatoryja studenty žurfaka BDU navat sudzilisia z fakultetam za niepravamiernaje vyniasieńnie dyscyplinarnych spahnańniaŭ.
Čytajcie taksama:
Prapahandyst Ihar Tur staŭ vykładčykam žurfaka BDU
Z žurfaka BDU syšła dekan — jana adličvała studentaŭ paśla sutak
Najlepšaj vypusknicaj žurfaka pryznali dačku pałkoŭnika KDB
Apublikavali razmovy žonki Bałaby, u jakich jana sprabuje schavać ad muža troch kachankaŭ, u tym liku Rusłana Alachno22
Kamientary