Zdaroŭje

Piedyjatr razburaje 8 mifaŭ pra dziciačyja chvaroby

Kali treba prymać antybijotyki, ci možna kupacca pry prastudzie i ci padymuć BADy imunitet? Najbolš častyja pamyłkovyja dumki pra zdaroŭje i lačeńnie raźbiraje na 24health.by hałoŭny doktar haradskoj dziciačaj palikliniki №5 Minska Julija Hatoŭka. 

Branchit i pnieŭmanija nie lečacca biez antybijotykaŭ

Vielmi navat lečacca. Pryznačać antybakteryjalnuju terapiju abo nie, zaležyć nie ad chvaroby, a ad taho, što jaje vyklikała. Čaściej za ŭsio branchity majuć virusnuju pryrodu, adpaviedna, antybijotyki nie patrebnyja. Hetak ža, jak i pry pnieŭmanii, uzbudžalnikam jakoj źjaŭlajucca virusy. U takich vypadkach asnoŭnaje lačeńnie — heta paścielny režym, šmat vadkaści, simptamatyčnaje lačeńnie (haračkapanižalnaje, kab źbić tempieraturu, abiazbolvalnaje, kab suniać bol, i h.d.).

Ale byvaje i tak, što paśla da virusa dałučajecca bakteryjalnaja infiekcyja, chvaroba nabyvaje virusna-bakteryjalny praciah. I tady pryznačeńnie antybakteryjalnaj terapii nieabchodna.

Probu Mantu nielha mačyć

Proba Mantu — dyjahnastyčny test na suchoty, jaki vykarystoŭvajecca mnohija dziasiatki hadoŭ. Ale jašče raniej ŭžyvaŭsia test Pirkie: skuru drapali, nanosili tubierkulin i pa reakcyi arhanizma na jaho rabili vysnovu pra najaŭnaść abo adsutnaść infiekcyi. Pakolki test vykonvaŭsia naskurna, mačyć hetaje miesca sapraŭdy było nielha, kab nie vymyć tubierkulin i nie atrymać iłžyvy vynik. Ale pry probie Mantu rečyva ŭvodzicca pad skuru. Śpiecyjalna mačyć ŭčastak skury, na jakim pravodziŭsia dyjahnastyčny test, viadoma, nie varta. Ale kali vada trapić na jaho vypadkova, katastrofy taksama nie zdarycca. A voś cierci i rasčesvać skuru adnaznačna nielha — heta moža ŭpłyvać na reakcyju arhanizma ŭ miescy praviadzieńnia proby.

Lepš pierachvareć viatrankaj, čym pryščapicca

Kali pierachvareć viatrankaj da 8-10 hadoŭ, to, moža być, i lepš. U pieravažnaj bolšaści maleńkija dzieci pieranosiać viatranku dosyć lohka. Ale čym starejšaje dzicia, tym vyšejšaja ryzyka ciažkaha praciakańnia viatranki, sprava moža dajści i da špitalizacyi. Horš za ŭsio pieranosiać viatranku darosłyja. Tamu kali dzicia nie pierachvareła joju hadoŭ da 10, jość sens zadumacca pra vakcynacyju. Jana nie ŭvachodzić u nacyjanalny kalandar pryščepak, vykonvajecca na płatnaj asnovie, ale heta varta taho, kab paźbiehnuć mahčymaj ryzyki ŭskładnieńniaŭ virusnaj infiekcyi.

Zrabić pryščepku ad viatranki rekamiendujecca ludziam, jakija nie chvareli joju i ŭvachodziać u hrupy ryzyki: žančynam, jakija płanujuć ciažarnaść (u pieršym trymiestry viatranka moža vyklikać zahany raźvićcia płodu, a ŭ trecim — pryvieści da jaho zaražeńnia); ludziam ź ciažkimi chraničnymi zachvorvańniami, ankałohijaj, imunadeficytnymi stanami, pakolki ŭ vypadku zaražeńnia ŭ ich vyšejšaja vierahodnaść ciažkaha praciakańnia vietranaj vospy i jaje ŭskładnieńniaŭ. Daviedacca dakładna, ci chvareli vy na viatranku, možna zdaŭšy analiz na śpiecyfičnyja antycieły.

Pry prastudzie i viatrancy nielha kupacca

VRVI, jak i viatranka ci inšyja virusnyja infiekcyjnyja zachvorvańni, nie supraćpakazańnie dla vodnych pracedur. Naadvarot, vodnyja pracedury nieabchodnyja, kab zmyć pot, palepšyć cyrkulacyju kryvi, praduchilić razdražnieńnie.

Pry viatrancy, naprykład, duš abo kupańnie dapamahajuć palehčyć śvierb. Tym nie mienš treba vykonvać peŭnyja praviły. Vannu ci duš možna prymać tolki pry narmalnaj tempieratury cieła. U inšym vypadku vodnyja pracedury lepš zamianić abcirańniami prachałodnaj vadoj (darečy, heta adzin ź fizičnych mietadaŭ źnižeńnia vysokaj tempieratury cieła). Vada pavinna być nie haračaj, ale i nie chałodnaj — kamfortnaj tempieratury. Pry viatrancy vysypańni nie treba cierci viachotkaj i vykarystoŭvać srodki hihijeny z ahresiŭnymi kampanientami. Dastatkova vady i miakkaha krem-myła ź niejtralnym pH.

Kali tempieratura ŭ dziciaci trymajecca daŭžej za 3 dni, patrebnyja antybijotyki

Zusim nie. Pry virusnaj infiekcyi vysokaja tempieratura ŭ dziciaci moža trymacca i daŭžej. Pry peŭnych umovach dapuščalna, kab dzicia tempieraturyła pieršyja 5 dzion zachvorvańnia biez pryznačeńnia dadatkovych lekavych srodkaŭ. Pry hetym važny kantrol lekara, jaki budzie ŭličvać stan dziciaci, vyjaŭlenaść simptomaŭ, charaktar praciakańnia zachvorvańnia. Kali nieabchodna, pryznačyć dadatkovyja abśledavańni. Dakładna skazać, jakaja infiekcyja maje miesca ŭ tym ci inšym vypadku, možna tolki pa łabaratornych analizach. Paśla čaho lekar vyrašyć, być antybijotykam ci nie być.

Acykłavir pakazany pry lačeńni hierpanhiny

Acykłavir pry hierpanhinie prymać kateharyčna nielha. Tamu što hierpiesnuju anhinu vyklikaje nie virus hierpiesu (što mahło b zdacca vidavočnym z-za padabienstva nazvaŭ), a zusim inšyja virusy: hrupy Koksaki, enteravirusy, cytamiehałavirusy, echavirusy i h.d. Acykłavir pry hierpanhinie bieskarysny i moža prynieści tolki škodu.

Dzicia časta chvareje, značyć, u jaho prablemy ź imunitetam

Jak praviła, takija skarhi majuć baćki, kali dzicia pačynaje naviedvać dziciačy sadok. Sapraŭdy, paśla taho jak «chatniaje» dzicia traplaje ŭ dziciačy kalektyŭ, jano pačynaje čaściej chvareć, tamu što jaho arhanizm upieršyniu sustrakajecca i znajomicca z roznymi, dahetul nie viadomymi jamu virusami i infiekcyjami.

Hety pieryjad nazyvajecca adaptacyjaj. Jana moža prajści davoli chutka, a moža raściahnucca na paru hadoŭ. Ale hety pieryjad maje vialikaje značeńnie dla farmiravańnia imunitetu dziciaci. Naściarožanaść pavinny vyklikać zaciažnyja infiekcyi, jakija časta dajuć ŭskładnieńni i ciažka paddajucca standartnamu lačeńniu. Ale dakładna kazać pra imunadeficyt možna tolki na padstavie śpiecyfičnaha analizu — imunahramy.

Imunitet možna padniać imunamadulujučymi preparatami i BADami

Bolšaść imunamadulujučych preparataŭ i bijałahična aktyŭnych dabavak nie majuć dakazanaj efiektyŭnaści i ŭpłyvu na ŭmacavańnie i farmiravańnie imunitetu. A bieskantrolny i nieabhruntavany ich pryjom moža navat ujaŭlać niebiaśpieku dla zdaroŭja čałavieka ŭ lubym uzroście. I ŭsio ž taki jość sposaby padniać i ŭmacavać imunitet dziciaci. Jany prostyja i daŭno viadomyja: paŭnavartasnaje, raznastajnaje i zbałansavanaje charčavańnie; zdarovy son nie mienš za 7 hadzin; hartavańnie; fizičnaja aktyŭnaść i dobrazyčlivaja, kamfortnaja atmaśfiera ŭ tym asiarodździ, dzie raście, vychoŭvajecca, vučycca dzicia.

Kamientary

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Karbalevič: Minsk zahavaryŭ pa-inšamu, ale heta pakul tolki słovy, dziejańniaŭ minimum1

Što aznačajuć sihnały Łukašenki Polščy i Ukrainie?15

Łamin Jamal vypadkova pakazaŭ na VIDEA svaich hołych kalehaŭ4

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →