Jak u abłaściach abmiarkoŭvali zakonaprajekt ab UNS? Padborka fota z «dyjałohavych placovak»
Abmierkavać zakonaprajekt z supracoŭnikami pradpryjemstvaŭ čynoŭnikam było zahadana da 2 listapada. «Naša Niva» sabrała fotazdymki z roznych abłaściej.
Bresckaja vobłaść
Zakonaprajekt ab UNS abmiarkoŭvali z rabotnikami filijała «Bresckija dyvany». Tam z pramovami vystupali prafsajuznyja lidary.
Ci była mahčymaść u supracoŭnikaŭ pradpryjemstva zadavać pytańni? Zastajecca tolki zdahadvacca. Na sajcie prafsajuza pra heta nie paviedamlajuć.
Abmiarkoŭvali zakonaprajekt i sa studentami Bresckaha dziaržaŭnaha techničnaha ŭniviersiteta.
Na sajcie ŭniviersiteta pisali, što «studenty i vykładčyki zadali pytańni, jakija ich cikavili», ale ŭdakładniać — jakija kankretna — nie stali.
A voś tak abmiarkoŭvali zakonaprajekt na Bresckim śmiećciepierapracoŭčym zavodzie.
«Na ŭsie pytańni, jakija pastupili, byli dadzieny kankretnyja tłumačeńni», — pišuć na sajcie prafsajuza.
Mahiloŭskaja vobłaść
Tak prachodziła abmierkavańnie zakonaprajekta ŭ mahiloŭskich balnicach — chutkaj miedycynskaj dapamohi i abłasnoj.
Tak čynoŭniki abmiarkoŭvali ź biełarusami zakonaprajekt UNS u ahraharadku Bujničy. Pra toje, jakija pytańni zadavali miascovyja žychary, taksama nie paviedamlajuć.
A voś tak «aktyŭna abmiarkoŭvali» zakonaprajekt UNS z pracoŭnym kalektyvam u Kaściukovickim rajonie.
Jakija pytańni zadavali ludzi, miascovaja rajonka nie paviedamlaje.
Viciebskaja vobłaść
Pieršaja «dyjałohavaja placoŭka» była ŭ abłasnoj biblijatecy imia Lenina.
Jak piša miascovaja rajonka, na abmierkavańni byli «aktyvisty maładziožnaha ruchu, bajcy studenckich atradaŭ, pijaniery i vieterany kamsamoła».
Homielskaja vobłaść
U AAT «Brahinahrasiervis» taksama prajšło abmierkavańnie zakonaprajekta.
«Vielmi važny aśpiekt u rabocie Usiebiełaruskaha narodnaha schodu jak novaha vyšejšaha pradstaŭničaha orhana narodaŭładździa — mahčymaść akumulavać u sabie mierkavańni ŭsich słajoŭ našaha nasielnictva», — kazaŭ na im staršynia rajonnaha abjadnańnia prafsajuzaŭ Raman Cieślanok.
Mierkavańni supracoŭnikaŭ pradpryjemstva nakont zakonaprajekta UNS miascovaja rajonka vyrašyła nie publikavać.
A tak «dyjałohavaja placoŭka» prachodziła ŭ Rečyckim rajžyłkamhasie.
Čynoŭniki znajomili supracoŭnikaŭ z pravavym statusam delehata UNS, strukturaj, paradkam razhladu pytańniaŭ, adniesienych da kampietencyi schodu.
Čytajcie taksama:
Infakazačka Bondarava pastupiła ŭ BDPU. Zdahadajciesia, na jakuju śpiecyjalnaść
Upieršyniu ŭ Biełarusi spahnali daŭhi kryptavalutaj
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary
połnomočij v śviazi s istiečienijem sroka jeho priebyvanija v dołžnosti
libo dosročno v słučaje jeho otstavki;
priedstavitieli zakonodatielnoj, ispołnitielnoj i sudiebnoj vłasti;
priedstavitieli miestnych Sovietov dieputatov;
priedstavitieli hraždanskoho obŝiestva."