Pa słovach premjer-ministra, bolšaść bujnych hulcoŭ užo adaptavalisia i spakojna pracujuć, paviedamlaje BiełTA.
Pa słovach kiraŭnika ŭrada, pavolniej uvachodzić u situacyju bolš drobny biznes. Uzrušeńnie i chvalavańnie jon nazvaŭ «narmalnymi emacyjnymi reakcyjami».
Urad, pavodle jaho słoŭ, rehularna manitoryć situacyju, u tym liku na miescach.
«My bačym, što tam, dzie bujnyja subjekty (vytvorčaść, handal), jany ŭžo całkam adaptavalisia i padładzilisia pad novyja praviły, užo spakojna pa ich pracujuć. Bolš drobny siehmient pavolniej uvachodzić u situacyju», — skazaŭ premjer-ministr.
Hałoŭčanka miarkuje, što biznesu ciažka źmirycca, što bolš nie atrymajecca nakručvać na tavar pa 100-200%.
«Realny siektar ekanomiki, u tym liku pryvatnaja vytvorčaść, žyvie z rentabielnaściu 7-10% i ličyć heta narmalnym, 15% — heta, jak havorycca, za ščaście. Dumaju, pradprymalniki, handal, vytvorcy buduć uzmocniena pracavać nad vydatkami. Heta vielmi važny składnik farmiravańnia sabiekoštu i adpaviedna — cany», — skazaŭ Raman Hałoŭčanka.
Taksama premjer-ministr adznačyŭ, što pryniatyja rašeńni pa cenach nie abaviazkova buduć zaŭsiody, ale «ciapier dziejničaje taki režym, i my budziem vučycca ŭ im žyć».
Rašeńnie jon nazvaŭ adnačasova vymušanym i pravilnym.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii26
Kamientary