U Čašnickim rajonie mužčyna da śmierci padaviŭsia kavałkam miasa, paviedamiła aficyjnaja pradstaŭnica ŭpraŭleńnia Dziaržaŭnaha kamiteta sudovych ekśpiertyz pa Viciebskaj vobłaści Taćciana Sierabrakova.
Viadoma, što cieła mužčyny vyjavili prykładna praz tydzień paśla jaho hibieli. Prykmiet hvałtoŭnaj śmierci nie nazirałasia.
Pa fakcie zdareńnia śpiecyjalisty pryznačyli sudova-miedycynskuju ekśpiertyzu, padčas jakoj vyznačyli, što pryčynaj śmierci stała miechaničnaja aśfiksija, jakaja ŭźnikła paśla taho, jak u dychalnyja šlachi patrapiŭ kavałak miasa.
Jak havorycca ŭ zaklučeńni, u kryvi mužčyny z Čašnickaha rajona vyjavili etyłavy śpirt u kancentracyi 1,3 pramile. U žyvych ludziej takaja kolkaść ałkaholu aznačaje lohkuju stupień apjanieńnia.
«Pry padobnych abstavinach u studzieni-vieraśni ŭ Viciebskaj vobłaści zahinuła bolš za dziesiać ludziej roznaha ŭzrostu. Tolki ŭ adnym vypadku pamierły byŭ ćviarozy — tady mužčyna 1944 hoda naradžeńnia padaviŭsia aładkaj.
U kryvi samaha maładoha čałavieka, 1984 hoda naradžeńnia, jaki nie zmoh pražavać miasa, byŭ znojdzieny etyłavy śpirt u kancentracyi 4,3 pramile, što ŭ žyvych ludziej zvyčajna adpaviadaje ciažkamu ałkaholnamu atručeńniu», — adznačyła Taćciana Sierabrakova.
2025 hod moža stać dla Biełarusi hodam pieramien, jakich biełarusy bajalisia24
Kamientary