Dziaŭčyna Eduarda Babaryki Saša Źvierava napisała ŭ fejsbuku «prosty i karotki post»: jany z Eduardam bolš nie razam, i heta nie jaje rašeńnie.
Pavodle Źvieravaj: «Edzik zachacieŭ spynić pierapisku. Mnie zastajecca z pavahaj pastavicca da jaho rašeńnia».
Pry hetym: «Edzik byŭ i zastajecca samym važnym čałaviekam u maim žyćci i kali b zaŭtra na ziamlu lacieŭ mietearyt (možacie zamianić na jadzierny ŭdar) i ŭ mianie spytali, dzie b ja chacieła pravieści svoj apošni dzień na płaniecie, to ja b adkazała, što chaču pravieści jaho pobač z Edzikam…
Ale naša historyja skončyłasia — dalej ja kroču pa žyćci samastojna».
Syn Viktara Babaryki Eduard utrymlivajecca ŭ SIZA z 18 červienia 2020 hoda. Jon byŭ zatrymany razam z baćkam i prachodzić abvinavačanym pa dźviuch kryminalnych spravach paralelna.
Pieršuju spravu viadzie KDB z momantu zatrymańnia: art. 243 Kryminalnaha kodeksa (uchileńnie ad vypłaty sum padatkaŭ i zboraŭ, što paciahnuła škodu ŭ asabliva bujnym pamiery). Kančatkovaje abvinavačvańnie da hetaha času nie pradjaŭlenaje, sprava ŭ sud nie pieradadzienaja.
Druhuju spravu viadzie Centralny aparat Śledčaha kamiteta. Eduard staŭ padazravanym u śniežni 2021 hoda. Abvinavačvańnie pradjaŭlenaje pa častcy 3 artykuła 130 častki 1 artykuła 293 Kryminalnaha kodeksa — heta «raspalvańnie rasavaj, nacyjanalnaj, relihijnaj albo inšaj sacyjalnaj varožaści» i arhanizacyja masavych biesparadkaŭ. Pa hetym artykule Eduardu pahražaje da 20 hadoŭ.
-
Minčuk padyšoŭ da zborščykaŭ za Łukašenku i vykazaŭ, što pra jaho dumaje. Atrymałasia kryminałka
-
Nazva ad kinateatra, vyhlad ad aŭtara viciebskaj piramidy, na vierchnim paviersie — dzieci. Što viadoma pra handlovy centr, jaki hareŭ u Viciebsku
-
Biznesu addali 10-15% ad dapamohi Jeŭrasajuza Biełarusi — Jahoraŭ adkazvaje na krytyku z boku Łatuški
Kamientary