Ministerstva kultury zaraz budzie kantralavać, u honar jakich dziejačoŭ nazyvać biblijateki
Adpaviedny zvarot Ministerstva kultury da abłvykankamaŭ i Minckaha harvykankama «O naimienovanii učrieždienij kultury» dasłali ŭ redakcyju Reform.by čytačy.
Zhodna z dakumientam, Ministerstva kultury «ličyć nieabchodnym», kab miascovyja ŭłady zaraz nakiroŭvali svaje prapanovy «ab nadańni ŭstanovam kultury imion bujnych dziejačoŭ, znakamitych ludziej» dla ŭzhadnieńnia ŭ viedamstva.
Heta robicca «ŭ metach pryniaćcia ŭzhodnienych, abhruntavanych rašeńniaŭ».
Raniej miascovyja ŭłady byli volnyja sami vyrašać heta pytańnie na abłasnym, dy navat rajonnym uzroŭni.
Mahčyma, padstavaj dla padobnaha kantrolu staŭ skandał, źviazany z Astravieckaj rajonnaj biblijatekaj, jakoj amal było nadadziena imia viadomaha biełaruskaha litaraturaznaŭcy, piśmieńnika, historyka Adama Maldzisa.
Suprać hetaj inicyjatyvy vystupiła praŭładnaja aktyvistka Volha Bondarava: nazvaŭšy Maldzisa «machrovym nacyjanalistam», jana napisała ŭ Hrodzienski abłvykankam niekalki zvarotaŭ. Va ŭpraŭleńni ideałahičnaj raboty i pa spravach moładzi ŭstanovy da Bondaravaj prysłuchalisia, choć papiarednie ŭpraŭleńnie kultury taho ž Hrodzienskaha abłvykankama pakinuła rašeńnie ŭ sile.
Zaraz rašeńnie, jakoje Astraviecki rajvykankam pryniaŭ samastojna ad 24 červienia 2022 hoda, prypyniena, «dziakujučy» ŭmiašalnictvu Bondaravaj i sastupkam hrodzienskich čynoŭnikaŭ.
-
Alona Łanskaja raskazała, jak stvaryła klip z dapamohaj štučnaha intelektu
-
Adnaho nazyvali biełaruskim Šalapinym, a druhoha — załatym hołasam Biełarusi. Ale žyćci abodvuch artystaŭ trahična abarvalisia
-
U Žyrovicach staviać novyja pazałočanyja ikanastasy ŭ ruskim styli. Baročny ikanastas carkoŭniki śpisali ŭ muziej
38-hadovaha vajskovaha lotčyka sudziać za abrazu Łukašenki2
Kamientary