«Heta my tak pra vas kłapocimsia». U milicyjanieraŭ i kadebešnikaŭ adbirajuć pašparty
Jak stała viadoma «Našaj Nivie», u supracoŭnikaŭ siłavych struktur pačali adbirać standartnyja pašparty. Pa raznaradcy jany atrymlivajuć bijamietryčnyja pašparty, u dadatak da jakich vydajecca ID-kartka. ID-kartki dastatkova dla lubych apieracyj unutry krainy, a voś za miažu biez pašparta nie pajedzieš i navat vizy nie atrymaješ.
Novyja bijamietryčnyja pašparty vydajuć razam z ID-kartkaj, jakoj chapaje dla identyfikacyi asoby ŭnutry Biełarusi, a taksama dla vyrašeńnia lubych žyćciovych abstavin, budź toje pachod u palikliniku ci atrymańnie kredytu.
Jak tłumačać «Našaj Nivie» supracoŭniki milicyi, ciapier tyja ź ich, chto atrymlivaje novyja pašparty (pieravažna heta datyčyć aficerskaha składu, nižejšyja pa zvańni mohuć i praskočyć), abaviazvajucca zdavać ich načalniku.
«Da taho praz toje ž samaje prajšli śpiecsłužby, ciapier pracesy iduć u milicyi, dalej, napeŭna, čarha vajennych. Ciapier, kab vyjechać za miažu, treba pisać rapart i na vyjezd, i na atrymańnie pašparta, źnianacku bolš, jak Łupanosaŭ, za miažu ŭžo nie vyjedzieš», — raskazvaje aficer.
«Usio heta tłumačycca kłopatam pra supracoŭnikaŭ. Maŭlaŭ, heta my vas nie ŭ rabstva biarom, heta my vas, durnych, strachujem ad hłupstvaŭ: voś vyjedziecie vy niedzie, a vas tam voźmuć u pałon, buduć katavać, zaviarbujuć, pasadziać. Tak što jašče budźcie ŭdziačnyja», — dadaje aficer.
U papiarednija dva hady Biełaruś pakinuła šerah starejšych aficeraŭ (naprykład, były supracoŭnik HUBAZiKa Stanisłaŭ Łupanosaŭ, pradstaŭnik «Bajpoł» Alaksandr Azaraŭ), jakija dałučylisia da demakratyčnaha ruchu.
Bondarava abrynułasia na muziej Janki Kupały i mastaka Sušu31
Kamientary