Sudy suprać zachodnich kampanij u łukašenkaŭskich "sudach" niepadsudnyja ŭ ich navat pa łukašenkaŭskich zakonach i padstavaj dla "azdaraŭleńnia" bałansu Biełarusnafty być nia mohuć. Tamu što nivodnaja bujnaja surjoznaja zachodniaja kampanija ź jaje jurystami nikoli nie pahadzicca ŭ kantraktach kupli-prodažu ź Biełarusnaftaj na arbitraž pa biełaruskamu pravu i ŭ biełaruskim sudzie. Mahčymyja varyjanty tyčacca tolki pavažanych pravavych krain i adpaviednych sudoŭ kštałtu Stakholmskaha arbitražu, jak u sprečcy pamiž Hazpramam i Naftahazam. Imavierna, u Biełarusnafcie dobra razumiejuć ab adsutnaści dla jaje pazityŭnych sudovych pierśpiektyvaŭ u darečnych sudach i vydatkach na hetuju spravu, tamu i ździejśnili pravavuju prafanacyju z udziełam kišennych łukašenkaŭskich sudoŭ. Navat vydatna ŭjaŭlajučy, što nidzie za miažoj (badaj što aproč Rasiei) vykanać padobnaje sudovaje rašeńnie niemahčyma.