Ježa22

Adkul na šakaładzie biarecca bieły nalot i što jon aznačaje?

Šakaład moža mieć roznyja kolery — ad śvietłaha da amal čornaha, sustrakajecca navat bieły i ružovy šakaład. Časam na hetym pradukcie ŭtvarajecca dziŭny bieły nalot, jaki moža naściarožvać. Ci biaśpiečna jeści taki šakaład?

Fota: pixnio.com

Šmat chto ličyć, što šakaład nie moža sapsavacca. Kaniešnie, heta nie tak: byvajuć vypadki, kali i jon hublaje svaje jakaści ci navat moža być škodnym, piša onet.pl.

Šakaład — pradukt doŭhaha zachoŭvańnia. U bolšaści vypadkaŭ jaho možna spakojna jeści navat praź niekalki miesiacaŭ paśla zakančeńnia terminu prydatnaści. Ale zdarajecca, što šakaład nie prydatny da ježy, navat kali jaho termin prydatnaści jašče nie skončyŭsia.

Čaściej za ŭsio ludzi vykidajuć taki šakaład, kali zaŭvažajuć u im čarviakoŭ. Mała chto sumniajecca, što jeści taki pradukt užo nielha. Kali ž šakaład zachoŭvajecca zanadta doŭhi čas ci ŭ nienaležnych umovach, praz vysokuju kolkaść tłušču jon moža stać prahorkłym i nabyć drenny pach. Taki šakaład taksama pryjdziecca vykinuć.

Byvaje, što na šakaładzie ŭtvarajecca bieły nalot, padobny da ćvili (chacia nasamreč heta nie jana). Takija śvietłyja plamy ŭtvarajucca praź źmieny ŭ tempieratury ci ŭ vilhotnaści, i šakaład ź imi možna spakojna jeści.

Jość dva vidy nalotu na šakaładzie: cukrovy i tłuščovy. Cukrovy nalot źjaŭlajecca, kali z šakaładam kantaktuje vilhać. U hetym vypadku kryštaliki cukru rastajuć i na pavierchni šakaładu ŭtvarajecca cukrovy słoj.

Što da tłuščavaha nalotu, to jon utvarajecca praź pierapady tempieratury. Kali šakaład nahrajecca, tłušč u im rastaje, i potym pad upłyvam choładu z hetaha tłušču ŭtvarajecca bieły nalot. Jon moža być prykmietaj taho, što pry vytvorčaści šakałada vykarystali tannyja zamiaščalniki kakava-masła.

U abodvuch vypadkach razmova idzie tolki pra źmienu vyhladu pradukta, nalot nie ŭpłyvaje na jaho smak ci charčovuju vartaść. Vyhladać jon moža niepryhoža, ale šakaład z takim nalotam možna jeści.

Kab šakaład daŭžej zachoŭvaŭ svoj źniešni vyhlad i inšyja charaktarystyki, lepiej za ŭsio trymać jaho ščylna zakrytym i daloka ad krynic śviatła. Taksama šakaład maje zdolnaść pahłynać pachi, tamu treba trymać jaho daloka ad praduktaŭ z mocnymi pachami, naprykład, ad ryby, cybuli ci časnaka.

Čytajcie taksama:

Recept na vychadnyja: šakaładnaje piačeńnie z apielsinam

Recept na vychadnyja. Šakaładny mus z aliŭkavym alejem — dalikatnaja strava dla viačery z haściami

Kamientary2

  • daviedka
    15.07.2022
    U mienia pośle tridcatihradusnoj žary pobieleł hoŕkij šokoład "Kommunarka". Chotia srok hodnosti zajavlen 2 hoda.
  • Supovoj pakietik
    15.07.2022
    daviedka , tak ot takoj žary pobieleješ, dažie jeśli ty nie šokoład "Kommunarka"...

Stała viadoma pra aryšt historyka Ihara Mielnikava13

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava13

Stała viadoma pra aryšt historyka Ihara Mielnikava

Hałoŭnaje
Usie naviny →