Hrodzienskaja hazieta źniała kryndžovuju rekłamu i paraŭnała vybary z hvałtoŭnym šlubam VIDEA
Dziaržaŭnaja hazieta «Hrodzienskaja praŭda» vykłała ŭ tyktok rolik, kab zaachvocić moładź udzielničać u vybarach prezidenta ŭ 2025 hodzie. Atrymałasia dvuchsensoŭna.
Dziei prapahandysckaha videa adbyvajucca ŭ ZAHSie. Niaviestu, jakaja trymaje bukiet štučnych kvietach, viadzie baćka. Jon vučyć dačku žyćciu:
— Nu što, dačuška. Zusim darosłaja stała, zamuž vychodziš. Darečy, jak tabie sukienka? Mama vybirała. A jak tabie zała? Pryhožaja? Ciotka damoviłasia.
Dziaŭčyna, jakaja nie vielmi razumieje, što adbyvajecca, zadaje całkam łahičnaje pytańnie:
— A čamu kvietki štučnyja?
— Tak bolš praktyčna, — tłumačyć baćka i pakazvaje dačce žanicha. — Voś tvoj budučy muž, Mikałaj. Darečy, ja vybiraŭ.
Niaviesta ciažka ŭzdychaje. Žanočy hołas za kadram nastaŭnickim tonam kaža:
— Voś što byvaje, kali vybiraješ nie sam. Nie daj inšym vyrašyć za siabie. Vybiraj sam.
Mabyć, stvaralniki rolika vyrašyli zrabić mietafaryčny praciah frazy Łukašenki: «Lubimuju nie addajuć!». Palityk skazaŭ jaje ŭ žniŭni 2020 hoda, kali na jaho mitynh nie zmahli sahnać navat biudžetnikaŭ (ideołah BDU raniej raspaviadaŭ «Našaj Nivie», što z najbujniejšaha ŭniviersiteta krainy tudy nie atrymałasia pryvieści chacia b 30 čałaviek). Tym časam, na mitynh suprać hvałtu i falsifikacyi vybaraŭ na stele «Minsk — horad-hieroj» pa ŭłasnaj inicyjatyvie sabralisia sotni tysiač biełarusaŭ.
U frazie «Lubimuju nie addajuć!» tady šmat chto pabačyŭ alehoryju na abjuziŭnyja adnosiny. Łukašenku tady malavali jak abjuziera z akryvaŭlenymi rukami, jaki źbivaje maładuju dziaŭčynu.
Prymusovy šlub, jaki pakazała «Hrodzienskaja praŭda», sapraŭdy źjaŭlajecca łahičnym praciaham. U tym, što dziaŭčynie navat nie dazvalajuć samoj vybrać žanicha chacia b ź niekalkich varyjantaŭ, znoŭ bačny paraleli z rečaisnaściu. Hledziačy na toje, jak źnikajuć kandydaty-spojlery, možna vykazać zdahadku, što finał rolika budzie ŭ niejkaj stupieni prarockim.
U kamientaryjach žartujuć, što rolu žanicha pavinien byŭ vykonvać 70-hadovy dziadula.
Navat kali b aŭtary haziety pastavili pierad saboj zadaču zrabić satyryčnaje videa pra vybary ŭ Biełarusi, naŭrad ci ŭ ich atrymałasia b lepiej.
«Kali niekaha sa studentaŭ zatrymajuć, to adrazu budzie zvolnieny dekan». Ideołah z BDU — pra rektara, zahon na jabacinh i nastroi ŭ dekanatach
«My — nadziejny tył». Kandydat-spojler Čamadanava źniałasia z vybaraŭ
Minus spojler. Aficer Bobrykaŭ źniaŭsia z vybaraŭ
Łukašenka: U Biełarusi nie daj Boh žančynu abiaruć
Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca4
Kamientary
nu jaki dziadula? u roliku ž jasna skazana - Nikałaj. cha-cia.. kali z 5-ci hod u palitycy, dzie hod za 5 hod, to.. upaŭnie sabie prync užo, jak 70-hadovy dziadula