Ministr abarony RF Siarhiej Šajhu paviedamiŭ siońnia Uładzimiru Pucinu ab poŭnym kantroli nad Lisičanskam i «vyzvaleńni» terytoryi samaabvieščanaj «ŁNR». «Śpiecyjalnaja vajennaja apieracyja» praciahvajecca, zajaviŭ Šajhu.
Pucin u adkaz skazaŭ, što hienierały Łapin i Suravikin užo pradstavili jamu prapanovy pa praciahu apieracyi va Ukrainie. Takim čynam, jon paćvierdziŭ vysnovy Instytuta vyvučeńnia vajny, jaki paviedamiŭ, što «adkaznaść za taktyčnyja dziejańni ŭ rajonie Lisičanska» niasuć adrazu dva vysokapastaŭlenyja vojenačalniki. Z hetaha ekśpierty zrabili vysnovu, što Pucin nadaje vialikaje značeńnie ŭziaćciu Lisičanska i vychadu rasijskaj armii da administracyjnych miežaŭ Łuhanskaj vobłaści.
Akramia taho, na sustrečy z Šajhu Pucin zajaviŭ, što «padraździaleńni, jakija brali ŭdzieł u vyzvaleńni ŁNR, pavinny adpačyć, naraścić svaje bajavyja mahčymaści», a voinskija złučeńni, uklučajučy hrupoŭki «Uschod» i «Zachad», «pavinny vykonvać svaje zadačy pa raniej zaćvierdžanym płanie».
Jon taksama ŭznaharodziŭ zvańniem «Hieroj Rasii» kamandujučaha hrupoŭkaj «Centr», hienierała-pałkoŭnika Alaksandra Łapina i namieśnika kamandujučaha 8-j armijaj Paŭdniovaj vajskovaj akruhi hienierała-majora Esiedułu Abačova.
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary