Internet i ŚMI

Biełaruskija prapahandysty prajhrajuć rasijskim. U topie TB-prahram — kramloŭskija naviny

Samy vialiki rejtynh na kanałach, što viaščajuć u Biełarusi, — u navinavych prahram rasijskaj vytvorčaści. Voś što ličby kažuć pra husty hledačoŭ.

Kampanija «MiedyjaVymiaralnik» padzialiłasia štomiesiačnaj spravazdačaj pra telehladzieńnie biełarusaŭ. U top-15 prahram — šeść infamacyjnyja, i tolki adna ź ich — biełaruskaja. I toje heta «Naviny Biełaruś», jakija vyjšli ŭ efir na śviata 9 maja.

Vialikaja kolkaść ludziej u mai sačyła za paradam na Dzień Pieramohi jak u rasijskim pračytańni, tak i ŭ biełaruskim. Ź cikaŭnaściu da hetaj padziei pa rejtynhu kankuruje tolki šou Małachava «Pryvitańnie, Andrej» na kanale «Rasija-Biełaruś».

Pry hetym, źviartaje ŭvahu miedyjaanalityk Michaił Daraševič, u prahramach-lidarach tranślavaŭsia prarasijski paradak dnia ŭ vajnie z Ukrainaj. Tak, u pieradačy «Vieści tydnia», što zajmaje treciaje miesca ŭ rejtynhu, byŭ siužet, dzie rasijskija vajskoŭcy pryjazdžajuć «vinšavać» z 9 maja žycharku Charkaŭskaj vobłaści — to-bok, stvarajecca pazityŭnaje abličča dziejańniaŭ rasijskich vojskaŭ na zachoplenaj terytoryi. Jašče ŭ adnoj prahramie «Vieści» raskazvajecca, što «pad Chiersonam znajšli padvały, dzie nieanacysty katavali pałonnych, a krainy ES nie zaŭvažajuć złačynstvaŭ ukrainskich siłavikoŭ, choć mahli b paŭpłyvać na Kijeŭ».

Vychodzić, što, jak nie starajecca biełaruskaja prapahanda, rasijskuju joj usio roŭna nie ŭdajecca pieraskočyć (tolki siaredniasutačny rejtynh ANT nabližajecca da rejtynhu rasijskich telekanałaŭ). Chacia siońnia dziaržaŭnaje ajčynnaje telebačańnie amal całkam paŭtaraje rasijskuju rytoryku.

«Toje, što biełarusy hladziać rasijskaje telebačańnie — sprava zvyčki. U svoj čas było vyrašana pakinuć u nas rasijski kantent, ale ŭstaŭlać tudy taksama svaje naviny i rekłamu, kab samim mieć kantrol nad hrašyma. Ale naviny jany tolki častkova miksavali, i, adpaviedna, ludzi pryzvyčailisia hladzieć infarmacyjnyja prahramy na rasijskich telekanałach. Akramia taho, ich infapradukt dahetul vyhladaje lepš, jon bolš jakasna zrobleny», — kamientuje «Našaj Nivie» takuju cikavaść da rasijskaha kantentu Michaił Daraševič.

Ryhor Azaronak. Skrynšot: prahramy na stv.by

Situacyju, što skłałasia, miedyjaanalityk nazyvaje žudasnaj: vialikaja kolkaść biełarusaŭ hladzić rasijskuju prapahandu i dezinfarmacyju, što asabliva krytyčna padčas vajskovaj ahresii RF suprać Ukrainy.

«Navat u ludziej padrychtavanych, z krytyčnym myśleńniem, kali im štodzień paŭtarać usio, što paŭtarajecca ŭ rasijskich pieradačach, mohuć zaradzicca sumnievy, ich mierkavańnie i bačańnie śvietu moža mianiacca. I heta značyć, što rasijskaja prapahanda moža dasiahać svajoj mety. Tym bolš u situacyi, kali biełaruskija ŭłady robiać usio, kab abmiežavać ludziam dostup da alternatyŭnych krynic infarmacyi», — kamientuje miedyjaanalityk. 

Cikava, što svaich prapahandystaŭ biełarusy nie hladziać nie tolki na telebačańni, ale i ŭ siecivie. Tak, pa danych telehram-kanała «Biełaruski paradak» aŭdytoryja tych ža praŭładnych «Žoŭtych źlivaŭ» na 70% składałasia z rasijan.

Na jutubie ŭ praŭładnych telehram-kanałaŭ taksama najbolšaja častka aŭdytoryi — z Rasii, kaža Michaił Daraševič. Tak, Information Policy niadaŭna praanalizavali partrety hledačoŭ top-10 biełaruskich jutub-kanałaŭ. Aŭdytoryja kanała BiełTA, jaki trapiŭ u rejtynh, na 36,7% składajecca z rasijan (suprać 22% biełarusaŭ), CTV — na 35,3% (suprać 31,9% biełaruskaj doli), kanał ANT maje 36,9% hledačoŭ z Rasii (ź Biełarusi — 29,5 %). Pry hetym niezaležnyja kanały HEXTA Live, «Realnaja Biełaruś», «Biełsat», «Małanka miedyja» hladziać u asnoŭnym biełarusy. 

Aŭdytoryja infarmacyjnaha ahienctva BiełTA na jutubie ŭ mai-2022

«Ale tut varta nie zabyvać, što telebačańnie ŭsio roŭna zajmaje treciaje miesca siarod krynic, adkul ludzi čerpajuć novuju infarmacyju (paśla anłajn-miedyja i sacsietak). I pakul telebačańnie budzie nastolki kantralavacca dziaržavaj i tam nie budzie kanałaŭ z alternatyŭnaj infarmacyjaj (tolki biełaruskaja prapahanda i rasijskaja), my budziem mieć dosyć vialikuju padtrymku taho, što robicca ŭładami», — reziumuje Michaił Daraševič.

Ličby z apytańnia Baltic internet policy initiative

Sa spravazdačy MediaMeter taksama bačna, što biełaruski hladač addaje pieravahu kinaprahramam i zabaŭlalnamu kantentu, ale kali havorka idzie pra rejtynh kankretnych prahram, to tut napierad vyryvajucca infarmacyjnyja.

U paraŭnańni z krasavikom u mai kolkaść času, jaki biełarusy praviali za prahladam TB, upała (191 chvilina ŭ sutki suprać 210), ale ŭ heta standartnaja schiema dla viasny i leta: čym ciaplej, tym mienš času ludzi doma.

Bolšaja častka aŭdytoryi telebačańnia — žančyny

Čytajcie taksama:

Top-15 biełaruskich akauntaŭ u Tvitary — kaho varta pačytać

Kamientary

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →