Jak zajaviŭ u efiry ŭkrainskaha telebačańnia daradca mera Maryupala Piatro Andruščanka, akupacyjnyja rasijskija ŭłady horada ŭvodziać u im karancin z-za niebiaśpieki pačatku epidemii chalery, pieradaje BBC News.
«My nazirajem, jak horad začyniajecca. Akramia taho, pačała pastupać infarmacyja, što rasijski bok u Rastovie-na-Donie padrychtavaŭ užo asobnyja infiekcyjnyja adździaleńni, dzie jany rychtujucca prymać ułasnych vajskoŭcaŭ, jakija mohuć zachvareć praz epidemiju, i słova «chalera» hučyć unutry horada, siarod akupacyjnych uładaŭ i ich kurataraŭ», — skazaŭ jon.
Na dumku palityka, samy cyničny varyjant baraćby z epidemijaj — prosta zakryć horad. Jon dadaŭ, što situacyja ŭ horadzie z kožnym dniom usio bolš paharšajecca: žychary horada atrymlivajuć čystuju pitnuju vadu raz u dva dni, jość prablemy z charčavańniem. Z-za adsutnaści vodazabieśpiačeńnia ŭ horadzie jość niebiaśpieka ŭspyški infiekcyjnych zachvorvańniaŭ. Rasijski bok situacyju nie kamientuje.
Andruščanka ž pryvodzić inšyja padrabiaznaści ciapierašniaha žyćcia ŭ horadzie:
«Dla atrymańnia pitnoj vady zaraz treba zapisacca ŭ čarhu. Čarha ad dvuch dzion. Heta značyć zaraz pitnaja vada ŭ lepšym vypadku raz u dva dni. Asnoŭnaja pryčyna — padzieńnie ŭzroŭniu vady ŭ pryrodnych krynicach. Prahnazujuć dalejšaje skaračeńnie pastavak vady pa naturalnych pryčynach — letniaja śpioka».
Taksama daradca mera Maryupala paviedamiŭ, što humanitarnaja dapamoha ad akupacyjnych uładaŭ užo skaročanaja. Ciapier jaje vydajuć tolki ludziam piensijaha ŭzrostu.
«Usim inšym — vyklučna praz «pracu». Praktyka ježa za pracu adnaviłasia. Moładź prymušajuć zapisvacca ŭ «družyny» i dapamahać mabilnym patrulam, u tym liku ŭ filtracyjnych mierapryjemstvach. Za admovu pahražajuć mabilizacyjaj u vojska «DNR». Maryupal metanakiravana i płanamierna pieratvarajuć u hieta dla ŭkraincaŭ», — padkreśliŭ Andruščanka.
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?5
Kamientary