Bloomberg: «Aerafłotu» z-za deficytu zapčastak praz try miesiacy daviadziecca pačać raźbirać svaje samaloty
Avijakampanija «Aerafłot» najbližejšym časam praz sankcyi sutykniecca ź niedachopam zapčastak dla svaich samalotaŭ Boeing i Airbus, piša Bloomberg.
![](http://d3kcf2pe5t7rrb.cloudfront.net/img/w840d4webp1/photos/z_2022_05/aeroflot-t4kyu.jpg.webp)
Pavodle acenak ekśpiertaŭ kampanii IBA, jakaja śpiecyjalizujecca na biznes-analitycy ŭ halinie avijacyi, kab padtrymlivać svoj fłot u pracazdolnym stanie «Aerafłotu» praz try miesiacy daviadziecca pačać raźbirać častku samalotaŭ na zapčastki. Zamianić pradukcyju Boeing i Airbus rasijskimi samalotami jak minimum u najbližejšy čas nie atrymajecca.
Bloomberg taksama adznačaje, što vajna pakłała kaniec ambicyjnym płanam rasijskaj avijakampanii, u jakoj byŭ adzin z samych novych parkaŭ samalotaŭ u śviecie. Praz sankcyi «Aerafłot» nie tolki pazbaviŭsia dostupu da zapčastak dla svaich samalotaŭ, ale i byŭ vymušany rezka skaracić zamiežnuju maršrutnuju sietku.
Na pačatak rasijskaha ŭvarvańnia va Ukrainu «Aerafłot» vykonvaŭ paloty ŭ 56 krain, piša Bloomberg, a na siaredzinu maja lotaŭ tolki ŭ 13. Pasažyrapatok avijakampanii rezka ŭpaŭ.
«U ahladnaj budučyni «Aerafłot» budzie pa bolšaj častcy avijakampanijaj, jakaja pracuje na ŭnutranym rynku», — ličyć Arnold Barnet, ekśpiert pa biaśpiecy palotaŭ u Škole mieniedžmientu Słoŭna pry Masačusieckim technałahičnym instytucie.
Kamientary