Słavaččyna pradaje Ukrainie «Zuzany», jakija bjuć na 50 km
Pra paśpiachovyja pieramovy ab nabyćci 16 samachodnych artyleryjskich ustanovak paviedamlaje DennikN sa spasyłkaj na ministra abarony Słavakii Jarasłava Nadzia. Što heta za zbroja?
Zuzana-2 zjaŭlajecca pradstaŭnikom siamiejstva słavackich samachodnych artyleryjskich ustanovak, karani jakich sychodziać u siamidziasiatyja hady minułaha stahodździa. Tady ŭ Čechasłavakii była stvorana SAU ShKH vz. 77 DANA, jakaja adroźnivałasia niezvyčajnaj architekturaj i dosyć vysokimi charaktarystykami. U 90-ch hadach u Słavakii na asnovie hetaha ŭzoru raspracavali samachodnuju haŭbicu ShKH Zuzana. Hałoŭnym jaje adroźnieńniem była novaja 155-milimietrovaja harmata, adaptavanaja pad standarty NATO. Paźniej raźvićcio kancepcyi praciahnułasia, u vyniku čaho ŭ 2008 hodzie zjaviłasia SAU Zuzana-2.
Vaha ŭstanoŭki amal 34 tony, adnak mahutny ruchavik Tatra dazvalaje ruchacca pa darohach na chutkaści da 90 km/h, a pry ruchu pa-za darohami pieraadolvać vodnyja pieraškody hłybinioj da 1,2 mietra. Zapas chodu — 650 km. Bajavoje adździaleńnie vykanana maksimalna aŭtamatyzavanym, ekipaž, jaki składajecca z 4 čałaviek, navat nie datykajecca da bojeprypasaŭ. Korpus vykanany z brani, jakaja vytrymlivaje kuli kalibru 14,5 mm. Harmata kalibra 155 mm pry vykarystańni aktyŭna-reaktyŭnych snaradaŭ dazvalaje nanosić udary pa celach na adlehłaści da 50 km. Sistema kiravańnia ahniom dazvalaje pracavać ź ličbavymi kartami, a taksama daje mahčymaść nanosić udar pa celi, nakiroŭvajučy niekalki snaradaŭ pa roznych trajektoryjach. Zapas snaradaŭ — 40 štuk. Zuzana-2 robić 6 strełaŭ za chvilinu. Ustanoŭka maje sistemy filtravańnia i vientylacyi, jakija dazvalajuć vieści taktyčnyja dziejańni navat u zabrudžanaj zonie.
Dla abarony samoj artyleryjskaj ustanoŭki vykarystoŭvajucca kulamiot kalibru 12,7 mm i hranatamioty RPH-75.
Forbes: Svajo ŭzbrajeńnie Ukrainie moža pieradać Kipr
Ukraina pieramahaje ŭ bitvie bieśpiłotnikaŭ
Ci pojduć tanki na śmietnik historyi? Mahčymaje nastupstva ŭkrainskaj vajny
U Biełarusi ŭžo niekalki viečaroŭ prablemy ź internetam. Raskazvajem, što adbyvajecca1
Kamientary