Častka vučonych dapuskaje mahčymaść, što, kali čałaviek nieadnarazova sutykajecca z małymi kolkaściami virusa — zamałymi, kab zachvareć, — heta taksama moža farmiravać supraćkavidny imunitet.
Šmat navukoŭcaŭ ličać, što abaronu ad kavidu vy atrymajecie tolki tady, kali sami pierachvarejecie. U inšym vypadku ŭ arhaniźmie prosta nie chopić virusa, kab abnavić supraćkavidny imunitet, piša Wall Street Journal.
Kali čałaviek pieranosić kavid bieśsimptomna abo maje ŭ arhaniźmie zanadta mała virusa, kab jaho zafiksavaŭ ekspres-test, takaja chvaroba taksama moža spryjać lepšamu supraćkavidnamu imunitetu ŭ budučyni. Ale ž ličycca, što kavid z vyražanymi simptomami, kali ŭ arhaniźmie idzie aktyŭnaje razmnažeńnie virusa, pryviadzie da lepšaj abarony ad kavidu paśla vyzdaraŭleńnia, čym bieśsimptomnaja chvaroba.
Tym nie mienš, zaražeńnie kavidam niasie šmat ryzykaŭ — chvaroba moža praciakać ciažka, jość vierahodnaść špitalizacyi ci navat śmierci. Tamu adziny biaśpiečny sposab vybudavać supraćkavidny imunitet — heta vakcynacyja.
U toj ža čas častka vučonych taksama dapuskaje mahčymaść, što kali čałaviek nieadnarazova sutykajecca z małymi dozami virusa, heta moža spryjać palapšeńniu imunitetu ad chvaroby.
Jak heta moža pracavać? Naprykład, virus traplaje na tkanki ŭnutry nasavoj paražniny. Antycieły, što tam znachodziacca, mohuć identyfikavać virus da taho, jak imunnyja kletki jaho źniščać abo jon pačnie razmnažacca. Takija antycieły mohuć paźniej navučyć imunitet čałavieka raspaznavać virus kavidu.
Čytajcie taksama:
Kitajskuju stratehiju «nulavoha kavidu» mnohija ličyli ŭzornaj. Ale Kitaj, zdajecca, zahnaŭ siabie ŭ kut
Pryščepka ad kavidu? Navukoŭcy voś-voś raspracujuć niešta lepšaje
Jak lačyć amikron u chatnich umovach? Zapisali parady doktara Martava
Ministram kultury pryznačany artyst Rusłan Čarniecki
Ministram kultury pryznačany artyst Rusłan Čarniecki
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary