Adnahrupnik Kurejčyka, u 2020-m nie davaŭ sutak. Jašče adzin sudździa syšoŭ pa ŭłasnym žadańni
Stała viadoma jašče pra adnaho siudździu, jaki syšoŭ z pasady pa ŭłasnym žadańni. Heta sudździa Minskaha rajona Pavieł Žačko. Jaho imia taksama jość u niadaŭnim ukazie ab vyzvaleńni i pryznačeńni sudździaŭ. Sychod sudździ pa ŭłasnym žadańni — ekstraardynarnaja i dosyć redkaja sprava dla sistemy biełaruskaha pravasudździa.
Vyhladaje, što Pavieł Žačko, jak i Dźmitryj Cykał taksama ŭ vyniku nie syšoŭsia charaktarami ź isnaj sistemaj, bo charaktarystyku na jaho dajuć pazityŭnuju.
«Žačko — adnahrupnik palitołahaŭ Andreja Jahorava i Andreja Kazakieviča, u ich u hruppie taksama byŭ dramaturh Andrej Kurejčyk, — kažuć nam jaho znajomyja. — Usie jany vučylisia na jurfaku BDU. Taksama ŭ tyja strašnyja miesiacy 2020-ha i dalej jon addavaŭ vialikuju kolkaść spravaŭ pa 23.34 na dapracoŭku, a kali nie moh — davaŭ štrafy».
Sapraŭdy, pavodle servisu manitorhu sudovych rašeńniaŭ «Zubr», za Žačko ŭ 2020-m nie zafiksavana vydadzienych sutak. Jon prysudžaŭ štrafy: ad 2 da 30 bazavych vieličyń.
«Naša Niva» dazvaniłasia da eks-sudździ, ale jon nie staŭ kamientavać pryčyny, pa jakich napisaŭ zajavu na zvalnieńnie.
Kamientary