Rok-muzyka Ihar Bancar, asudžany na paŭtara hoda «chimii», 17 śniežnia vyjšaŭ na volu, paviedamlajuć pravaabaroncy. Z 25 listapada palitviaźnia 22 dni ŭtrymlivali ŭ karcary.
Bancara abvinavacili pa č. 1 art. 339 Kryminalnaha kodeksa za praviadzieńnie pierformansa ŭ vyhladzie tanca biez štanoŭ pierad mašynaj milicyi. 19 sakavika jamu dali paŭtara hoda chimii.
Padčas suda jon abviaściŭ suchuju haładoŭku, jakuju trymaŭ bolš za dva tydni. U vieraśni palitźniavolenamu źmianili režym z «chimii» na papraŭčuju kałoniju, ale ŭžo 24 listapada 2021 hoda Čyhunačny sud Viciebska admoviŭ ŭ pieravodzie muzyki ŭ kałoniju.
Vyśvietliłasia, što sudovyja dakumienty aformili niapravilna, bo spasłalisia na artykuł 415 Kryminalnaha kodeksa, jaki niadaŭna vyklučyli z zakanadaŭstva.
Viečaram 18 śniežnia muzyka miarkuje być užo ŭ Hrodnie. «Sustrenusia z tymi siabrukami, jakija nie pabajacca: zaraz atmaśfiera ŭ tusoŭcy vielmi napružanaja, usie bajacca. Pakładu viečaram dziaciej i budu ŭsiu noč tusić!» — padzialiŭsia Ihar Bancar z Hrodna.life. Paśla — «u vir pracy»: nakapiłasia šmat idej dla novych prajektaŭ.
Zdaroŭje paśla źniavoleńnia, pavodle jaho słovaŭ, «nijakaje». Ale źjazdžać ź Biełarusi navat dla lačenieja jon nie płanuje. Na nastupnym tydni Ihar miarkuje pajści da doktarkii, kab jaho nakiravali ŭ špital dla abśledavańniaŭ. Prablemy sa zdaroŭjem paśla haładańnia i znachodžańnia ŭ SIZA jon mieŭ jašče da adpraŭki na «chimiju».
«Płan maksimum — dažyć da Novaha hoda biez pasadki, adśviatkavać katalickaje Božaje naradžeńnie i Novy hod ź dziećmi i žonkaj, ź siamjoj», — kaža muzyka. Rozdumy i razvažańni ŭ jaho zaraz vielmi ciažkija — heta vybar pamiž tvorčaściu i samacenzuraj i adnosnaj biaśpiekaj.
«Ale kali mnie chočacca kamfortu, to mnie treba było valić z krainy jašče ŭ žniŭni minułaha hoda, kali mnie pieršy raz skazali, što pasadziać».
«Chacieŭ pakazać, što heta — fars». Hrodzienski muzyka Ihar Bancar pryjšoŭ u sud u ružovym, jaho zabraŭ AMAP
Žonka: «Jon pojdzie da kanca». Muzykant z Hrodna Ihar Bancar šosty dzień trymaje za kratami suchuju haładoŭku
38-hadovaha vajskovaha lotčyka sudziać za abrazu Łukašenki2
Kamientary