Zrabili vakcynu i pieražyli kavid? Vinšujem: u vas hibrydny imunitet i vam nie patrebnyja bustarnyja vakcyny
Imunitet paśla pieražytaj infiekcyi i ad vakcynacyi dastatkovy dla abarony ad paŭtornaj chvaroby. Takija danyja papiarednich daśledavańniaŭ.
Va ŭsim śviecie zaraz pašyrajecca bustarnaja vakcynacyja suprać kavidu. Ludzi z hrup ryzyki atrymlivajuć dadatkovyja dozy pryščepki, kab jašče bolš uzmacnić svaju abaronu suprać infiekcyi, piša Wall Street Journal.
Zhodna ź niekatorymi daśledavańniami, niama sensu ŭ takoj vakcynie, kali čałaviek užo prajšoŭ poŭny kurs vakcynacyi suprać kavidu dy i jašče pieražyŭ hetuju chvarobu. Navukoŭcy kažuć, što ŭ takim vypadku arhanizm i tak mocna abaronieny suprać paŭtornaha kavidu. Adnak ekśpierty papiaredžvajuć, što hetyja danyja pakul što nie kančatkovyja i što patrebnyja novyja daśledavańni.
Tyja ž pracy, što isnujuć zaraz, dajuć padstavy ličyć, što pieražyty kavid usprymajecca arhanizmam padobna da jašče adnoj dozy vakcyny. I, jak i pryščepka, virus prymušaje imunnuju sistemu vyrablać antycieły, V-kletki i T-kletki, jakija ŭ budučym mohuć dapamahčy spravicca ź virusam pry jaho novaj atacy na arhanizm.
Ale varta razumieć, što takaja mocnaja abarona nie aznačaje, što ŭ budučym takim ludziam nie spatrebicca bustar. Bolš za toje, ludzi z asłablenym imunitetam ci z hrup ryzyki ŭsio ž taki mohuć razhledzieć mahčymaść atrymać dadatkovuju pryščepku jak maha chutčej.
Kambinacyju imunitetu ad realnaj infiekcyi i ad vakcyny nazyvajuć hibrydnym imunitetam. Zhodna ź ciapierašnimi danymi, taki imunitet zvyčajna daje bolš mocnuju abaronu ad chvaroby, čym imunitet, atrymany tolki paśla vakcynacyi ci paśla pieražytaj infiekcyi.
Što efiektyŭniejšaje: «Sputnik» abo kitajskaja vakcyna?
Infiekcyjanist Sałaviej raskazaŭ, jak pravilna karystacca pulsaksimietram i na što źviartać uvahu
Minčanka vybiła piarednija zuby na samakacie, straciła praz heta muža, ale ciapier źbiraje miljony prahladaŭ u tyktoku12
Kamientary