Skončyŭ žyćcio samahubstvam 18-hadovy sirata, fihurant spravy ab masavych biesparadkach
«Kali b na mianie nie praciahvali maralna cisnuć, dumaju, ja b nie vyrašyŭsia na taki žudasny ŭčynak, jak suicyd. Ale maje siły byli na zychodzie».
Viečaram 25 maja ŭ Minsku skončyŭ žyćcio samahubstvam Dźmitryj Stachoŭski, fihurant kryminalnaj spravy za ŭdzieł u «masavych biesparadkach».
Chłopiec pakinuŭ «UKantakcie» dopis, jaki byŭ apublikavany na nastupny dzień. Dźmitryj vinavacić u svajoj śmierci Śledčy kamitet.
Siabar chłopca raspavioŭ pra jaho:
«Dzima nie vielmi lubiŭ raskazvać pra svajo žyćcio. Ale viadoma, što jon ci to naradziŭsia ŭ Italii, ci to žyŭ tam niejki čas z baćkami.
Paśla apynuŭsia tut. Što zdaryłasia z baćkami — nie viedaju. Viedaju tolki, što ŭ jaho jość ciotka, na jakoj było apiakunstva, ale bolš niama padrabiaznaściaŭ.
Dzima mieŭ dačynieńnie da hulni «Kłeš of kłans», byŭ tam administrataram, zdajecca, navat mieŭ niejkaje dačynieńnie da stvareńnia hulni. Hrošy mieŭ, zaŭsiody dapamahaŭ, kali kamu-niebudź treba było dapamahčy hrašyma.
Ale apošnim časam jon pierastaŭ zajmacca administravańniem hulni. Zarablaŭ čymści ŭ internecie. Stałaj pracy, kštałtu ofisnaj, jon nie mieŭ.
Jon byŭ kampaniejski chłopiec, ale dziaŭčyny ŭ jaho nie było.
Raniej Dzima zdymaŭ kvateru. Ale niedzie ŭ razhar pratestaŭ na jaho zaviali tuju spravu. Sutki pratrymali ŭ milicyi, paśla adpuścili. Heta było, zdajecca, u listapadzie. Paśla, pa słovach Dzimy, jamu vydzielili internat. Jon žyŭ tam. Kazaŭ, budzie tam, pakul nie zakryjuć spravu.
Dzima byŭ pad padpiskaj ab niavyjeździe, časam jaho vyklikali na dopyty.
Jak jon kazaŭ, suicyd — vychad z usich prablem. Kazaŭ, što nie choča za kraty i ździejśnić suicyd. Spačatku my stavilisia da hetaha z uśmieškaj, ale paśla zrazumieli, što śmiešnaha mała.
My padtrymlivali jaho jak mahli.
Učora paśla dopytu jon pajechaŭ u rajon Uschod, na 16-paviarchovik. Adtul pisaŭ siabram, pisaŭ, što nie zmoža tak žyć, prasiŭ u ich prabačeńnia. Kazaŭ, što choča napicca, bo jamu strašna i nie chočacca rabić taki ŭčynak, ale ŭ turmie jon siadzieć nie budzie.
Skidvaŭ navat fota z dachu.
Adzin ź siabroŭ prasiŭ jaho: nie rabi hetaha, dziela mianie! Dzima adkazaŭ, što nie zrobić.
Ale, vynikaje, što ŭsio roŭna zrabiŭ.
Paśla ŭnačy ŭ jaho byŭ vyklučany telefon. Ciapier jon uklučany, hudki iduć, ale nichto nie zdymaje».
Siabroŭka Dźmitryja napisała, što ranicaj znajomym chłopca zvanili ź milicyi, pytalisia pra trahiedyju.
«Kali vy heta čytajecie, značyć mianie niama ŭ žyvych.
Vinavaty ŭ hetym Śledčy kamitet. Užo nie sakret, što ŭ mianie byŭ kryminalny artykuł 293 č. 2. Kali koratka, za mitynhi. Kali b na mianie nie praciahvali maralna cisnuć, dumaju, ja b nie vyrašyŭsia na taki žudasny ŭčynak, jak suicyd. Ale maje siły skončvalisia. I, jak vy možacie bačyć, ja nie daŭ rady. Tak, mnie šmat chto kazaŭ: «Nie pieražyvaj, usio budzie dobra. Nie dumaj pra kiepskaje. Drennyja dumki preč». Adnak lohka kazać, pakul sam nie apyniešsia ŭ takim stanoviščy.
Vielmi mocna škaduju pra toje, što pražyŭ tak mała. A jašče niekalki hadoŭ tamu vynošvaŭ płany na budučyniu, što pajedu znoŭ za miažu, budu tam žyć i pracavać. Ale žyćcio takoje niepradkazalnaje. Ci dumajecie, ja moh niekali padumać, što budu stajać pierad takim vybaram? Ciažkim vybaram. Tamu skazać, što suicyd — heta rašeńnie ŭsich prablem, nie mahu. Nie, siabry. Heta nie słušny vybar. Heta sapraŭdy žudasny vybar. Žyvicie. Žyćcio treba šanavać. Jano ŭ vas adno i inšaha ŭ vas užo dakładna nie budzie.
U zaviaršeńni majoj pieradśmiarotnaj zapiski chaču vykazać vielizarnuju padziaku maim siabram, znajomym i prosta tym ludziam, jakija mnie sustrakalisia ŭ maim karotkim žyćci. A taksama dziakuj tym ludziam, jakija mnie na praciahu mnohich hadoŭ dapamahali. Usie vy nievierahodnyja, i ja zaŭsiody ŭsich lubiŭ. Lubiŭ dapamahać i rabić dabro, kab, idučy na toj śviet, pakinuć choć što-niebudź paśla siabie. Chacia b kavałačak dabryni.
Budźcie troški dabrejšyja i naohuł. Žyvicie na pazityvie», — napisaŭ na raźvitańnie Dźmitryj Stachoŭski.
Kali vy pačuvajeciesia drenna, u vas ci ŭ vašych svajakoŭ źjaŭlajucca dumki ab suicydzie, kali łaska, źviarniciesia pa dapamohu ci raskažycie pra heta blizkamu čałavieku. Vy nie adny, vaša žyćcio važnaje. Telefon słužby ekstrannaj psichałahičnaj dapamohi dla darosłych — (8 017) 352-44-44, dla dziaciej i padletkaŭ — (8 017) 263-03-03.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary