Moładzievaja zbornaja Litvy pa futbole i nacyjanalnaja kamanda nie pajeduć sioleta na zapłanavanyja kantrolnyja matčy ź biełaruskimi kamandami ŭ Minsku.
Pra heta paviedamlaje Presboł sa spasyłkaj na infarmacyjnaje ahienctva Baltic News Service.
«Pa situacyi na siońniašni dzień, ni nacyjanalnaja mužčynskaja zbornaja, ni moładzievaja ŭ hetych spabornictvach dakładna nie buduć udzielničać, niahledziačy na toje, što my padpisali ź Biełaruskaj fiederacyjaj futboła kantrakt pa spabornictvach naczbornych. Ale, sapraŭdy, zanadta niebiaśpiečna ŭ palityčnym kantekście ryzykavać zbornaj, hulcami, zdaroŭjem i biaśpiekaj hulcoŭ i ich siemjaŭ», — zajaviŭ u paniadziełak žurnalistam hiensakratar Litoŭskaj fiederacyi futboła (ŁFF) Edharas Stankiavičus.
«U dačynieńni da hetych dvuch matčaŭ dakładna jość płan nie jechać i nie hulać, a šukać niejkich inšych spabornikaŭ», — dadaŭ jon.
Jon taksama skazaŭ, što ŭ pytańni matčaŭ nacyjanalnych zbornych taksama pryjdziecca pačakać adabreńnia UEFA, adnak u vyrašeńni hetaj arhanizacyi kiraŭnictva ŁFF nie sumniavajecca, jak i ŭ tym, što matčy nie adbuducca.
Hulnia nacyjanalnaj zbornaj Litvy ŭ Minsku była pryznačanaja na 16 listapada. U Minsku 8 červienia pavinien byŭ adbycca kantrolny matč moładzievaj zbornaj Litvy ź biełaruskimi adnahodkami (da 21 hoda).
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ1
Kamientary