«Ja tak stamiŭsia ad hetych bolaŭ, chutčej by pamierci». U palitviaźnia — recydyŭ ankałohii
Žychar Homiela Alaksiej Ramanaŭ adbyvaje pakarańnie za «abrazu prezidenta» ŭ hłybockaj kałonii. Jon invalid druhoj hrupy pa ankałohii. U kałonii ŭ jaho značna pahoršaŭ stan. 24 maja palitviaźnia pieravodziać u turemny špital dla apieracyi.
Pieršy raz z ankałohijaj Alaksiej Ramanaŭ sutyknuŭsia ŭviesnu 2020 hodu. Jamu praviali apieracyju, vydalili puchlinu. Uletku Alaksiej braŭ aktyŭny ŭdzieł u pracy kamandy «Strana dla žiźni» — udzielničaŭ u zbory podpisaŭ, ahitacyi, naviedvaŭ akcyi pratestu, padtrymlivaŭ zatrymanych u sudach, piša Radyjo Svaboda.
16 śniežnia sud Chojnickaha rajona pakaraŭ jaho za abrazu Łukašenki pazbaŭleńniem voli na adzin hod. Pakarańnie Alaksiej adbyvaje ŭ hłybockaj kałonii. Jaho pastavili na prafiłaktyčny ŭlik jak schilnaha da ekstremizmu.
U listach da siabroŭ jon pisaŭ, što pakutuje ad mocnych bolaŭ.
«Na kansultacyi ŭ ankołaha doktarka skazała, što vyjavili novuju puchlinu. Kali ščyra, ja tak stamiŭsia ad hetych bolaŭ, chutčej by pamierci… Vy nie adčajvajciesia, usio budzie dobra, bieražy vas Hospad, budu za vas malicca, i vy maliciesia za mianie», — napisaŭ Alaksiej.
Jaho abiacali nakiravać u špital «najbližejšym etapam». Učora stała viadoma, što 24 traŭnia Alaksieja pieravodziać u Respublikanski turemny špital, jamu buduć rabić apieracyju.
-
Eks-supracoŭnic Tut.by Łojku, Tałkačovu i Tkačenku, jakija vyjechali ź Biełarusi, vyrašyli sudzić zavočna
-
U Hrodnie dzicia dva miesiacy krała cacki z kramy. Jaho maci choča padać u sud na pradaŭcoŭ
-
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ2
Kamientary