«Padvoziŭ budaŭnikoŭ u Minsk». U DTZ pad Baraŭlanami zahinuŭ baćka traich dziaciej
Uviečary 24 krasavika na 20 km trasy M3 Minsk-Viciebsk kala vioski Marjaliva Minskaha rajona adbyłasia avaryja. «Opiel» vyjechaŭ na raździalalnuju pałasu, urezaŭsia ŭ darožnuju aharodžu, a zatym — u fiermu darožnych znakaŭ.
Kiroŭca i adzin z pasažyraŭ zahinuli, jašče adzin pasažyr vyžyŭ, jon špitalizavany, paviedamiła milicyja.
Za styrnom mašyny byŭ 34-hadovy žychar Łahojska Arciom Kazakievič. Pavodle papiaredniaj viersii, jon nie spraviŭsia z kiravańniem.
«Arciom budavaŭ dom i padvoziŭ svaich budaŭnikoŭ u Minsk. U vyniku Arciom i adzin z budaŭnikoŭ zahinuli. Vyžyŭ budaŭnik, jaki siadzieŭ na zadnim miescy, — raskazaŭ «Našaj Nivie» kaleha Kazakieviča. — Honščykam Arciom nikoli nie byŭ, tamu my ŭsie ŭ šoku ad trahiedyi.
Jon byŭ čałaviekam vyklučna stanoŭčym. Viernik i šmatdzietny baćka, pracavaŭ načalnikam adździeła mietrałohii i validacyi. Pryjemny, spahadny, uśmiešlivy, sumlenny i dobry…»
U Arcioma Kazakieviča zastalisia troje dziaciej. Arciom — rodam z Drui. Jaho siamju viedaje ksiondz Siarhiej Surynovič.
«Ja bačyŭ jaho siamju ŭ kaściole, viedaŭ, što jon z žonkaj u kaścielnym ruchu siamiej. Aktyŭnyja kataliki, vychoŭvajuć chłopcaŭ svaich u katalickaj viery, baćki nabožnyja, žyvuć tut u Drui, — raspavioŭ ajciec Surynovič. — Maci Arcioma pravasłaŭnaja, ale 20 hadoŭ prychodzić i hraje na arhanie ŭ kaściole. Źbiraje moładź i dziaciej — vučyć ich ihry na skrypcy, časta ihrajuć u kaściole…»
Pachavajuć Arcioma Kazakieviča 27 krasavika ŭ Łahojsku.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ2
Kamientary