Žycharam Novaj Baravoj dali pa 10 sutak aryštu za vykryki «Žyvie Biełaruś» z akna
Traich žycharoŭ Novaj Baravoj zatrymali za vykryki z akon «Žyvie Biełaruś», doma ŭ ich praviali pieratrusy. Dvaich aryštavali na 10 sutak, paviedamlaje telehram-kanał «Viasna naziraje».
21 krasavika traich žycharoŭ zabrali ŭ RUUS za vykryki «Žyvie Biełaruś» z akon ich kvater. U kvaterach 29-hadovaj Jany Apasavaj, 31-hadovaha Alaksandra Aniśko i 32-hadovaha Aleha Lalika praviali pieratrusy. Na ich skłali pratakoły pa art. 24.23 KaAP.
Zhodna z pratakołam, žycharoŭ Novaj Baravoj abvinavacili ŭ tym, što jany «20 krasavika ŭ pieryjad času 21:00-21:03 naŭmysna parušyli zakon «Ab masavych mierapryjemstvach», pryniaŭšy ŭdzieł u niesankcyjanavanym pikietavańni, vysunuŭšysia z akna kvatery, vykryknuli łozunh «Žyvie Biełaruś».
Ich spravy 23 krasavika razhladzieła sudździa Kaciaryna Novikava ŭ sudzie Minskaha rajona.
Aleh i Alaksandr žyvuć na druhim paviersie, a Jana žyvie na vośmym, ale heta nie pieraškodziła śviedku-milicyjantu ŭ ciomny čas sutak razhladzieć ich tvar, paśla čaho apaznać ich na sudzie.
Na sudzie Aleh i Jana skazali, što ŭ toj dzień čuli kryki, ale ŭdziełu ŭ hetym nie prymali. Alaksandr u hety čas naohuł razam z žonkaj kupali dzicia, a niezadoŭha da zatrymańnia byŭ paniatym pry pieratrusie ŭ susieda pa tambury.
Kali pryjšli dadomu da siamji Apasavych, doma była jašče ich siabroŭka. Supracoŭniki milicyi prapanavali žycharam samim vybrać, kamu prajechać ź imi u RUUS dla hutarki. Tak jak muž Jany chvareje, dziaŭčyna vyrašyła pajechać sama. Śviedka-milicyjant ža śćviardžaje, što jon asabista bačyŭ, jak Jana vykrykvała łozunhi z akna, tamu i zatrymali mienavita jaje.
Vokny Alaksandra Aniśko ŭ adzinaha vychodziać nie na dvor, a na les. Śviedka-milicyjant u hety raz nie staŭ ahavorvać čałavieka, tamu, nie majučy nijakich dokazaŭ, sudździa Novikava vyrašyła adpravić jaho spravu na «dapracoŭku».
Aleh Lalik i Jana Apasava pa rašeńni sudździ Novikavaj buduć adbyvać 10-sutačnyja aryšty.
-
Eks-supracoŭnic Tut.by Łojku, Tałkačovu i Tkačenku, jakija vyjechali ź Biełarusi, vyrašyli sudzić zavočna
-
U Hrodnie dzicia dva miesiacy krała cacki z kramy. Jaho maci choča padać u sud na pradaŭcoŭ
-
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ2
Kamientary