Demanstranty išli da izalatara, u jakim siadzić Alaksiej Navalny.
Kala dźviuch tysiač čałaviek rušyli ŭ bok izalatara «Matroskaja cišynia». Šmat mašyn sihnalić — niezrazumieła, u padtrymku abo ad razdražnieńnia z-za pierakryćcia vulic, paviedamlaje «Mieduza».
U SIZA znachodzicca Alaksiej Navalny. Padychody da «Matroskaj cišyni» akupavała Rashvardyja.
U Maskvie pratestoŭcy nie zmahli sabracca ŭ centry, ačeplenym palicyjaj. Zamiest hetaha jany sustrelisia kala mietro «Krasnyja varoty» i «Sucharaŭskaja» i pajšli šeściem pa Sadovym kalcy da Płoščy troch vakzałaŭ. Pravaachoŭnyja orhany masava zatrymlivajuć demanstrantaŭ, a mietrapaliten zakryvaje stancyi pa chodzie ruchu kałony.
U Pieciarburhu demanstranty sustrelisia na Pijanierskaj płoščy la TIUHa i rušyli da Siannoj płoščy. Suprać ich užyli haz. Siłaviki taksama žorstka zatrymlivajuć i źbivajuć pratestoŭcaŭ dubinkami i elektrašokierami.
Pa ŭsioj Rasii zatrymanyja amal 1500 čałaviek. Bolš za ŭsio zatrymanych u Maskvie (142 čałavieki) i Uładzivastoku (113 čałaviek).
Juliju Navalnuju adpuścili praź niekalki hadzin da suda pa abvinavačańniach u arhanizacyi i ŭdziele ŭ niesankcyjanavanaj akcyi.
Kamientary