Hramadstva

«Ja bolš nie mahu»: zahadčyca adździaleńnia RNPC dziciačaj ankałohii zvolniłasia, bo nie moža narmalna pracavać ad chvalavańniaŭ za kaleh

Z RNPC dziciačaj ankałohii, hiematałohii i imunałohii zvolniłasia zahadčyca ankałahična-hiematałahičnaha adździaleńnia №3 (viadoma jak adździaleńnie dla dziaciej starejšaha uzrostu — ad 7 da 18 hod) Nadzieja Piatroŭskaja. 

Staž jaje raboty — 21 hod. Doktara zatrymlivali na pratesnaj akcyi miedykaŭ 7 listapada, dali štraf 25 bazavych (675 rubloŭ). 

Fota z sacsietak

Sa słoŭ samoj Nadziei, jana pajšła na zvalnieńnie, bo ŭžo nie mahła jakasna rabić svaju rabotu ad chvalavańniaŭ. Pry hetym, kaža jana, «heta nie palityčny krok», a vymušanaje rašeńnie. 

«Pryčyna majoj zajavy — ahulny psichałahičny fon, situacyja ŭ krainie i ŭ miedycynskaj supolnaści, viečnaje adčuvańnie stresu. Moža, heta ja takaja krochkaja, nie daju rady, ale mnie stała emacyjna ciažka pracavać jakasna i zasiarodžana. 

Pracavać u adździele ź dziećmi, chvorymi na ankałohiju, niekatoryja ź jakich sychodziać, heta i tak maralna ciažka, a tut navaliłasia… 

Rabota patrabuje vialikaj zasiarodžanaści, a ja nie mahu, i ŭsio!

Trasucca ruki, ciakuć ślozy, ja nie ŭpeŭniena ŭ svaich dziejańniach, bajusia pryniać niapravilnaje rašeńnie i, tym samym, naškodzić dzietkam bolš, čym ja naškodžu im svaim sychodam. 

Na mianie vielmi ciśnie situacyja, jakaja skłałasia ŭ krainie i miedycynskaj supolnaści, jak heta ŭsio vystaŭlajuć pa telebačańni, jaki brud lijuć. Tamu ja vyrašyła zvolnicca», — patłumačyła «Našaj Nivie» Nadzieja. 

Pa jaje słovach, vierniecca da prafiesii jana ŭ inšaj palityčnaj i psichałahičnaj abstanoŭcy, a pakul upeŭniena, što biez kavałka chleba nie zastaniecca, emihravać nie źbirajecca.

Nadzieja kaža, što novaja dyrektarka RNPC padpisała zajavu chutka, utrymać nie sprabavała, pažadała mudraści — da jaje ŭ Piatroŭskaj pytańniaŭ niama, kryŭdaŭ taksama. Ale jana adznačaje, što raniejšy kiraŭnik, napeŭna, zmoh by padtrymać i znajści słovy dla matyvacyi da praciahu raboty. 

A zamianić Piatroŭskuju, pa jaje słovach, pakul jość kamu. 

Ahułam u RNPC dziciačaj ankałohii skłałasia vielmi napružanaja situacyja: miedyki adkryta prajaŭlajuć simpatyi da pratestujučych biełarusaŭ i kaleh. Niadaŭna ŭ RPNC, nasupierak voli piersanału, źmianiłasia kiraŭnictva, rabotniki rychtujuć adkryty zvarot da hramadstva i ŭładaŭ, niekatoryja pišuć zajavy na zvalnieńni. 

Kamientary

«Lacieli vielmi nizka». Łukašenka pryznaŭ pralot dronaŭ nad Biełaruśsiu4

«Lacieli vielmi nizka». Łukašenka pryznaŭ pralot dronaŭ nad Biełaruśsiu

Usie naviny →
Usie naviny

«My sieli i siadzieli, a što rabić?» U Staradarožskim rajonie try piensijanierki praviali cełuju noč u lesie1

«Dynama» startavała ŭ Lizie kanfierencyj z parazy, pryčym prapuściła na pieradapošniaj chvilinie VIDEA

Ciurkskija dziaržavy damovilisia pra adziny łacinski ałfavit. Ubaku tolki Kyrhyzstan7

Novy hiensak NATA vystupiŭ za prava Ukrainy nanosić dalnabojnyja ŭdary pa Rasii3

Prodažy aŭtamabilaŭ i elektramabilaŭ u Biełarusi bjuć histaryčnyja rekordy5

U Varšavie inšaziemcy stajali načami ŭ čarzie, kab zarehistravać aŭtamabil. Biełarus spaźniŭsia na adzin dzień i straciŭ hrošy3

U Kalinkavičach ranicaj uzarvaŭsia «šachied»?13

USU źniščyli rakietami ATACMS RŁS «Niebo-M»6

«Heta jak druhoje dzicia». Byłaja madel pierajechała ŭ Iran, a paśla viarnułasia ŭ Biełaruś z šakaładnym biznesam2

bolš čytanych navin
bolš łajkanych navin

«Lacieli vielmi nizka». Łukašenka pryznaŭ pralot dronaŭ nad Biełaruśsiu4

«Lacieli vielmi nizka». Łukašenka pryznaŭ pralot dronaŭ nad Biełaruśsiu

Hałoŭnaje
Usie naviny →